Soltústik Qazaqstan oblysynda anasy ólimshi etip urǵan 3 jasar qyz qaitys bolyp, politseiler qylmystyq istiń babyn qaita aýystyrdy, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, Petropavlda 3 jasar qyz alǵan dene jaraqattarynan oblystyq balalar aýrýhanasynda qaitys boldy. 17 qańtar túsken sábidiń ómirine dárigerler arasha túskenimen, aman alyp qala almady.
Kámeletke tolmaǵannyń densaýlyǵyna asa aýyr ziian keltirý deregi boiynsha QR Qylmystyq Kodeksiniń 106-baby 2 bóligi «Densaýlyqqa qasaqana aýyr ziian keltirý» boiynsha sotqa deiingi tergeý júrgizilip jatyr.
Sábidiń qaitys bolýyna bailanysty qylmystyq quqyq buzýshylyqtyń quramy QR Qylmystyq Kodeksiniń 106-baby 3 bóligine ózgertildi. Bul boiynsha 8-12 jylǵa deiin bas bostandyǵynan aiyrý jazasy qarastyrylǵan.
Osy qylmysty jasaǵan qyzdyń anasy, 1998 jyly týǵan áiel ustalyp, tergeý izoliatoryna qamaýǵa alyndy.
Mamandardyń aitýynsha, qylmystyq istiń aiasynda tergeý amaldary júrgizilip, birqatar saraptama taǵaiyndaldy.
Qylmystyq istiń tergeý barysyn SQO PD bastyǵy, SQO prokýrory baqylaýǵa aldy.
