سولتٷستٸك قازاقستان وبلىسىندا اناسى ٶلٸمشٸ ەتٸپ ۇرعان 3 جاسار قىز قايتىس بولىپ, پوليتسەيلەر قىلمىستىق ٸستٸڭ بابىن قايتا اۋىستىردى, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, پەتروپاۆلدا 3 جاسار قىز العان دەنە جاراقاتتارىنان وبلىستىق بالالار اۋرۋحاناسىندا قايتىس بولدى. 17 قاڭتار تٷسكەن سەبيدٸڭ ٶمٸرٸنە دەرٸگەرلەر اراشا تٷسكەنٸمەن, امان الىپ قالا المادى.
كەمەلەتكە تولماعاننىڭ دەنساۋلىعىنا اسا اۋىر زييان كەلتٸرۋ دەرەگٸ بويىنشا قر قىلمىستىق كودەكسٸنٸڭ 106-بابى 2 بٶلٸگٸ «دەنساۋلىققا قاساقانا اۋىر زييان كەلتٸرۋ» بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
سەبيدٸڭ قايتىس بولۋىنا بايلانىستى قىلمىستىق قۇقىق بۇزۋشىلىقتىڭ قۇرامى قر قىلمىستىق كودەكسٸنٸڭ 106-بابى 3 بٶلٸگٸنە ٶزگەرتٸلدٸ. بۇل بويىنشا 8-12 جىلعا دەيٸن باس بوستاندىعىنان ايىرۋ جازاسى قاراستىرىلعان.
وسى قىلمىستى جاساعان قىزدىڭ اناسى, 1998 جىلى تۋعان ەيەل ۇستالىپ, تەرگەۋ يزولياتورىنا قاماۋعا الىندى.
مامانداردىڭ ايتۋىنشا, قىلمىستىق ٸستٸڭ اياسىندا تەرگەۋ امالدارى جٷرگٸزٸلٸپ, بٸرقاتار ساراپتاما تاعايىندالدى.
قىلمىستىق ٸستٸڭ تەرگەۋ بارىسىن سقو پد باستىعى, سقو پروكۋرورى باقىلاۋعا الدى.
