Soltústik Qazaqstan oblysy bas sanitar dárigeriniń jańa qaýlysy shyǵyp, óńirde karantin talaptary kúsheidi, dep habarlaidy "Ult aqparat".
Bas sanitar dáriger Serik Qasmaqasovtyń 23 qazandaǵy №33 qaýlysyna sáikes, Maǵjan Jumabaev, Mamliýt, Ýálihanov aýdandarynyń jáne Petropavl qalasynyń ákimderi, kóliktegi sanitariialyq-epidemiologiialyq qadaǵalaý bóliminiń basshylary elge kireberistegi shekteý sharalarynyń qatań oryndalýyn qamtamasyz etýge tiis.
Sonymen qatar, Qazaqstan Respýblikasynyń aýmaǵy arqyly ekijaqty jáne tranzittik tasymaldarda halyqaralyq júk tasymalymen ainalysatyn júrgizýshilerge arnalǵan nusqaýlyq bekitiledi. Al politsiia osy nusqaýlyqtyń oryndalýyna monitoring júrgizedi.
Jańajol, Bidaiyq, Qaraqoǵa avtobeketterinde sanitariialyq karantin pýnktilerinde tamaqtanýǵa jáne demalýǵa arnalǵan turaq oryndary bekitiledi.
Aýdandardyń jáne Petropavl qalasynyń ákimderi, aýmaqtyq taýarlar men kórsetiletin qyzmetterdiń sapasy men qaýipsizdigin baqylaý basqarmalarynyń basshylary tamaqtaný jáne demalý turaq oryndarynda obektilerdiń jumys algoritminiń saqtalýyn baqylaidy.
Aita keteiik, jańa qaýly 27 qazan saǵat 00:00 bastap kúshine enedi.
