© Sputnik / Elena Berejnaia
Soltústik Qazaqstan oblysy sý tasqynynyń eń joǵarǵy deńgeiinen ótti. Bul týraly SQO ákimi apparatynyń jumyldyrý daiyndyǵy jáne azamattyq qorǵaý bóliminiń basshysy Serik Ǵaisin Amstanada ótken brifingte málimdedi dep habarlaidy "Ult Aqparat".
Mamannyń sózinshe 3 898 úidi sý shaiǵan, 3 617 úi áli de sý astynda qalyp otyr. Barlyǵy 14 388 adam evakýatsiialanyp, 764 jan úige oralǵan, 13 624 adam evakýatsiialaý oryndarynda áli de qonys teýip jatyr.
Sondai-aq, búgingi tańda jalpy somasy 984,3 mln. teńgege 2 666 otbasy 100 AEK mólsherinde birjolǵy tólem alǵan eken.
"Qala aýmaǵynda 34 saiajai seriktestigi nemese 3031 qurylymy bar 6597 saiajai ýchaskesi sý basqan, onyń ishinde 75 saiajai úii zańnamaǵa ózgerister engizilgennen keiin tólenetin jalǵyz turǵyn úi bolyp tabylady. Búgingi tańda "Qazaqstan halqy" qorymen quny 2,7 mlrd. teńge bolatyn 100 bir úlgidegi turǵyn úi salýǵa memorandýmǵa qol qoiyldy. Aýdandarda jáne Petropavl qalasynda sý tasqyny saldaryn joiý, qalpyna keltirýge jatpaityn turǵyn úidi bólshekteý úshin 85 mehbrigada quryldy jáne jóndeý-qalpyna keltirý jumystaryn júrgizý", -dedi Serik Ǵaisin.
