Soltústik Qazaqstan oblysy qýańshylyqtan zardap shekken Mańǵystaý óńirine myń tonna jem-shóp jiberýdi josparlap otyr, dep habarlaidy "Ult aqparat".
SQO aýyl sharýashylyǵy jáne jer qatynastary basqarmasy basshysynyń orynbasary Qýandyq Shaqýbaevtyń aitýynsha, Qyzyljar óńiri biyl aýa raiyna bailanysty shópti basqa óńirlerge satyp jatqan joq. Aldymen óńir qajettiligi qamtamasyz etiledi. Mańǵystaý oblysyna da osy sebeppen ázirge kómek kórsetilmegen.
«Mańǵystaý óńirine 1 vagon kebek jónelttik. Aldaǵy kúnderi shóp jiberýimiz neǵaibyl, biraq egin jinaý naýqanynyń barysyna qarai oblystan myń tonna kóleminde qurama jem, kebek jáne tiýktelgen arpa sabanyn jiberý josparlanyp otyr. Bul másele boiynsha Mańǵystaý oblysynyń ákimdigimen kelisim bar», - deidi Qýandyq Shaqýbaev.
Jalpy biyl SQO-da tórt túlikti jemazyqpen qamtý úshin 135 myń gektarǵa jemazyqtyq daqyldar egildi, onyń ishinde 107 myń gektarǵa bir jyldyq shópter, 11 myń gektarǵa kóp jyldyq shópter jáne 17 myń gektardan astamyna súrlem ázirleý úshin júgeri egildi.
«Halyqty sabanmen qamtý úshin agroqurylymdardyń basshylarymen kezdestik.
Olar eldi mekenderdiń mańyna usaqtaǵyshy joq astyq jinaý kombaindaryn jiberedi. Budan basqa shóp erekshe qorǵalatyn tabiǵi aýmaqtarda - 6 myń gektarda júrgiziledi», - deidi Qýandyq Shaqýbaev.
