سولتٷستٸك قازاقستان وبلىسى قۋاڭشىلىقتان زارداپ شەككەن ماڭعىستاۋ ٶڭٸرٸنە مىڭ توننا جەم-شٶپ جٸبەرۋدٸ جوسپارلاپ وتىر, دەپ حابارلايدى "ۇلت اقپارات".
سقو اۋىل شارۋاشىلىعى جەنە جەر قاتىناستارى باسقارماسى باسشىسىنىڭ ورىنباسارى قۋاندىق شاقۋباەۆتىڭ ايتۋىنشا, قىزىلجار ٶڭٸرٸ بيىل اۋا رايىنا بايلانىستى شٶپتٸ باسقا ٶڭٸرلەرگە ساتىپ جاتقان جوق. الدىمەن ٶڭٸر قاجەتتٸلٸگٸ قامتاماسىز ەتٸلەدٸ. ماڭعىستاۋ وبلىسىنا دا وسى سەبەپپەن ەزٸرگە كٶمەك كٶرسەتٸلمەگەن.
«ماڭعىستاۋ ٶڭٸرٸنە 1 ۆاگون كەبەك جٶنەلتتٸك. الداعى كٷندەرٸ شٶپ جٸبەرۋٸمٸز نەعايبىل, بٸراق ەگٸن جيناۋ ناۋقانىنىڭ بارىسىنا قاراي وبلىستان مىڭ توننا كٶلەمٸندە قۇراما جەم, كەبەك جەنە تيۋكتەلگەن ارپا سابانىن جٸبەرۋ جوسپارلانىپ وتىر. بۇل مەسەلە بويىنشا ماڭعىستاۋ وبلىسىنىڭ ەكٸمدٸگٸمەن كەلٸسٸم بار», - دەيدٸ قۋاندىق شاقۋباەۆ.
جالپى بيىل سقو-دا تٶرت تٷلٸكتٸ جەمازىقپەن قامتۋ ٷشٸن 135 مىڭ گەكتارعا جەمازىقتىق داقىلدار ەگٸلدٸ, ونىڭ ٸشٸندە 107 مىڭ گەكتارعا بٸر جىلدىق شٶپتەر, 11 مىڭ گەكتارعا كٶپ جىلدىق شٶپتەر جەنە 17 مىڭ گەكتاردان استامىنا سٷرلەم ەزٸرلەۋ ٷشٸن جٷگەرٸ ەگٸلدٸ.
«حالىقتى سابانمەن قامتۋ ٷشٸن اگروقۇرىلىمداردىڭ باسشىلارىمەن كەزدەستٸك.
ولار ەلدٸ مەكەندەردٸڭ ماڭىنا ۇساقتاعىشى جوق استىق جيناۋ كومبايندارىن جٸبەرەدٸ. بۇدان باسقا شٶپ ەرەكشە قورعالاتىن تابيعي اۋماقتاردا - 6 مىڭ گەكتاردا جٷرگٸزٸلەدٸ», - دەيدٸ قۋاندىق شاقۋباەۆ.
