Foto: krgpark paraqshasynan skrin
«Sohranim park dlia karagandintsev» instagram paraqshasynda turǵyndardy «Máńgilik alaý» memorialyna gúl shoqtaryn qoiǵannan keiin, «Ólmes polk» aktsiiasyna shaqyrdy. Alaida bul úndeýde Uly Otan soǵysy batyrlaryna taǵzym etýge, qaza tapqan bozdaqtardy eske alý, beibitshiliktiń qunyn túsinýge baǵyttalǵan sharany basqa múddege paidalaný kózdelgen be?
Eger instagram paraqshasyndaǵy jazbaǵa qaraityn bolsaq, postta uzaq ýaqyt boiy bizdiń elimizde sherýler bolmaǵanyn aityp, el Prezidenti Qasym-Jomart Toqaevtyń jeńis sherýine qatysty pikirin mysalǵa keltiredi. Budan oqyrmen birden jeńis sherýine shaqyryp tur dep oilap qalýy múmkin. Alaida, jazba parkke qatysty aktsiiaǵa shaqyrady.
"Uzaq ýaqyt boiy bizdiń elimizde sherýler bolǵan joq, Qazaqstan Prezidenti Qasymjomart Kemeluly Toqaev jeńis sherýi 2025 jyly toilanatynyn jariialady. Qurmetti qaraǵandylyqtar, "Máńgilik alaý" memorialyna gúl shoqtaryn qoiǵannan keiin, Sizderdi "Ólmes polk" aktsiiasyna shaqyramyz. Merekelik sherýdi tsirk aldyndaǵy alańnan, Kaskad alańyna qarai bastaýǵa bolady. Kelesiz be?" ‒ dep jazylǵan paraqshada.
Ekiushty oi týdyratyn jazbaǵa qatysty jeli qoldanýshylary da: "Bul jerde parad pen parkti qorǵaýdyń qandai qatysy bar?" ‒ dep surady.
Pikir jazǵandardyń arasynda:
"Baramyz. Qurylys boiynsha emes. Barlyǵyn aralastyrýdyń qajeti joq", "Uly mereke men qurylyspen kelispeýshiliktiń qandai qatysy bar? "Shybyn men kotletti bólek" deidi!" ‒degen pikir bildirip jatqandar da bar.
Turǵyndar jeńis sherýine kele me, álde "Sohranim park dlia karagandintsevtiń" aktsiiasyna barýy kerek pe, áli de túsinbei jatqan siiaqty. Bul uiymnyń óz múddelesterin emes, ózgelerdi aldap shaqyrý emes pe?
Foto: krgpark paraqshasynan skrin
