فوتو: krgpark پاراقشاسىنان سكرين
«سوحرانيم پارك دليا كاراگاندينتسەۆ» ينستاگرام پاراقشاسىندا تۇرعىنداردى «مەڭگٸلٸك الاۋ» مەموريالىنا گٷل شوقتارىن قويعاننان كەيٸن, «ٶلمەس پولك» اكتسيياسىنا شاقىردى. الايدا بۇل ٷندەۋدە ۇلى وتان سوعىسى باتىرلارىنا تاعزىم ەتۋگە, قازا تاپقان بوزداقتاردى ەسكە الۋ, بەيبٸتشٸلٸكتٸڭ قۇنىن تٷسٸنۋگە باعىتتالعان شارانى باسقا مٷددەگە پايدالانۋ كٶزدەلگەن بە?
ەگەر ينستاگرام پاراقشاسىنداعى جازباعا قارايتىن بولساق, پوستتا ۇزاق ۋاقىت بويى بٸزدٸڭ ەلٸمٸزدە شەرۋلەر بولماعانىن ايتىپ, ەل پرەزيدەنتٸ قاسىم-جومارت توقاەۆتىڭ جەڭٸس شەرۋٸنە قاتىستى پٸكٸرٸن مىسالعا كەلتٸرەدٸ. بۇدان وقىرمەن بٸردەن جەڭٸس شەرۋٸنە شاقىرىپ تۇر دەپ ويلاپ قالۋى مٷمكٸن. الايدا, جازبا پارككە قاتىستى اكتسيياعا شاقىرادى.
"ۇزاق ۋاقىت بويى بٸزدٸڭ ەلٸمٸزدە شەرۋلەر بولعان جوق, قازاقستان پرەزيدەنتٸ قاسىمجومارت كەمەلۇلى توقاەۆ جەڭٸس شەرۋٸ 2025 جىلى تويلاناتىنىن جارييالادى. قۇرمەتتٸ قاراعاندىلىقتار, "مەڭگٸلٸك الاۋ" مەموريالىنا گٷل شوقتارىن قويعاننان كەيٸن, سٸزدەردٸ "ٶلمەس پولك" اكتسيياسىنا شاقىرامىز. مەرەكەلٸك شەرۋدٸ تسيرك الدىنداعى الاڭنان, كاسكاد الاڭىنا قاراي باستاۋعا بولادى. كەلەسٸز بە?" ‒ دەپ جازىلعان پاراقشادا.
ەكٸۇشتى وي تۋدىراتىن جازباعا قاتىستى جەلٸ قولدانۋشىلارى دا: "بۇل جەردە پاراد پەن پاركتٸ قورعاۋدىڭ قانداي قاتىسى بار?" ‒ دەپ سۇرادى.
پٸكٸر جازعانداردىڭ اراسىندا:
"بارامىز. قۇرىلىس بويىنشا ەمەس. بارلىعىن ارالاستىرۋدىڭ قاجەتٸ جوق", "ۇلى مەرەكە مەن قۇرىلىسپەن كەلٸسپەۋشٸلٸكتٸڭ قانداي قاتىسى بار? "شىبىن مەن كوتلەتتٸ بٶلەك" دەيدٸ!" ‒دەگەن پٸكٸر بٸلدٸرٸپ جاتقاندار دا بار.
تۇرعىندار جەڭٸس شەرۋٸنە كەلە مە, ەلدە "سوحرانيم پارك دليا كاراگاندينتسەۆتٸڭ" اكتسيياسىنا بارۋى كەرەك پە, ەلٸ دە تٷسٸنبەي جاتقان سيياقتى. بۇل ۇيىمنىڭ ٶز مٷددەلەستەرٸن ەمەس, ٶزگەلەردٸ الداپ شاقىرۋ ەمەس پە?
فوتو: krgpark پاراقشاسىنان سكرين
