Arnaiy tergeý toby tragediianyń barlyq sebebi men mán-jaiyn ashýy kerek. Búgin Parlament Májilisiniń jalpy otyrysynda Memleket basshysy Qasym-Jomart Toqaev osylai málim etti, dep habarlaidy QazAqparat.
Memleket basshysy elimizdegi beibit turǵyndarǵa qarsy qylmystarǵa qatysty sodyrlar men olarǵa kómek kórsetkenderdi anyqtap, jazaǵa tartý kerektigin qadap aitty. Sonymen qatar lańkestik shabýyldardyń artynda kim turǵanyn tyńǵylyqty anyqtaý óte mańyzdy bolyp tur.
Munymen qosa Prezident sodyrlar men olardyń komandalyq pýnktiniń qyzmeti ne sebepti memlekettiń nazarynan tys qalǵanyn egjei-tegjeili tekserý kerek ekenin aitty.
«Ne sebepti elimizdiń aýmaǵynda osynshama zańsyz qarý men arnaiy quraldar tabyldy? Nege terrorizm nysandaryn anyqtaý men beitaraptandyrý boiynsha agentýra jumysy júrgizilmedi?», - dedi Memleket basshysy.
Osy oraida Qasym-Jomart Toqaev arnaiy tergeý toby sapaly ári tolyq kólemde óz jumysyn atqaryp, tragediianyń barlyq sebebi men mán-jaiyn ashýy kerek ekenin tapsyrdy.
