ارنايى تەرگەۋ توبى تراگەدييانىڭ بارلىق سەبەبٸ مەن مەن-جايىن اشۋى كەرەك. بٷگٸن پارلامەنت مەجٸلٸسٸنٸڭ جالپى وتىرىسىندا مەملەكەت باسشىسى قاسىم-جومارت توقاەۆ وسىلاي مەلٸم ەتتٸ, دەپ حابارلايدى قازاقپارات.
مەملەكەت باسشىسى ەلٸمٸزدەگٸ بەيبٸت تۇرعىندارعا قارسى قىلمىستارعا قاتىستى سودىرلار مەن ولارعا كٶمەك كٶرسەتكەندەردٸ انىقتاپ, جازاعا تارتۋ كەرەكتٸگٸن قاداپ ايتتى. سونىمەن قاتار لاڭكەستٸك شابۋىلداردىڭ ارتىندا كٸم تۇرعانىن تىڭعىلىقتى انىقتاۋ ٶتە ماڭىزدى بولىپ تۇر.
مۇنىمەن قوسا پرەزيدەنت سودىرلار مەن ولاردىڭ كوماندالىق پۋنكتٸنٸڭ قىزمەتٸ نە سەبەپتٸ مەملەكەتتٸڭ نازارىنان تىس قالعانىن ەگجەي-تەگجەيلٸ تەكسەرۋ كەرەك ەكەنٸن ايتتى.
«نە سەبەپتٸ ەلٸمٸزدٸڭ اۋماعىندا وسىنشاما زاڭسىز قارۋ مەن ارنايى قۇرالدار تابىلدى? نەگە تەرروريزم نىساندارىن انىقتاۋ مەن بەيتاراپتاندىرۋ بويىنشا اگەنتۋرا جۇمىسى جٷرگٸزٸلمەدٸ?», - دەدٸ مەملەكەت باسشىسى.
وسى ورايدا قاسىم-جومارت توقاەۆ ارنايى تەرگەۋ توبى ساپالى ەرٸ تولىق كٶلەمدە ٶز جۇمىسىن اتقارىپ, تراگەدييانىڭ بارلىق سەبەبٸ مەن مەن-جايىن اشۋى كەرەك ەكەنٸن تاپسىردى.
