Búgin Premer-Ministr Álihan Smaiylov Eńbek jáne halyqty áleýmettik qorǵaý ministrliginiń ujymyna jańa basshy – Tamara Dúisenovany tanystyrdy, dep habarlaidy "Ult aqparat".
Úkimettiń baspasóz qyzmetiniń málimetinshe, Álihan Smaiylov qazirgi tańda Eńbek jáne halyqty áleýmettik qorǵaý ministrliginiń aldynda QR Prezidentiniń halyqqa arnaǵan Joldaýynda bergen tapsyrmalaryn iske asyrý boiynsha aýqymdy mindetter turǵanyn atap ótken.
«Úkimet halyqtyń aldyndaǵy áleýmettik mindettemelerdi tolyǵymen oryndaýy kerek. Daǵdarysqa qarsy sharalardy iske asyrý, jańa jumys oryndaryn qurý, áleýmettik jaǵynan az qamtylǵan azamattarǵa qoldaý kórsetý, eńbek daýlarynyń aldyn alý baǵytynda tiimdi jumys júrgizý qajet. Alǵa qoiylǵan barlyq tapsyrmalar ýaqytynda jáne sapaly oryndalýy tiis», — dedi Smaiylov.
Úkimet basshysy Tamara Dúisenovanyń Eńbek jáne halyqty áleýmettik qorǵaý ministrliginde 20 jyldan astam ýaqyt boiy basshylyq qyzmetterde bolǵanyn, elimizde eńbek qatynastaryn qalyptastyryp, áleýmettik saiasatty nyǵaitýǵa zor úlesin qosqanyn atap ótti.
«Tamara Bosymbekqyzy - eń tájiribeli, iskerlik qabileti óte joǵary basshylardyń biri. Jańa ministr Memleket basshysynyń senimin aqtap, ministrliktiń jumysyna jańa serpin beredi dep oilaimyz», — dedi Premer-Ministr.
