بٷگٸن پرەمەر-مينيستر ەليحان سمايىلوۆ ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ ۇجىمىنا جاڭا باسشى – تامارا دٷيسەنوۆانى تانىستىردى, دەپ حابارلايدى "ۇلت اقپارات".
ٷكٸمەتتٸڭ باسپاسٶز قىزمەتٸنٸڭ مەلٸمەتٸنشە, ەليحان سمايىلوۆ قازٸرگٸ تاڭدا ەڭبەك جەنە حالىقتى ەلەۋمەتتٸك قورعاۋ مينيسترلٸگٸنٸڭ الدىندا قر پرەزيدەنتٸنٸڭ حالىققا ارناعان جولداۋىندا بەرگەن تاپسىرمالارىن ٸسكە اسىرۋ بويىنشا اۋقىمدى مٸندەتتەر تۇرعانىن اتاپ ٶتكەن.
«ٷكٸمەت حالىقتىڭ الدىنداعى ەلەۋمەتتٸك مٸندەتتەمەلەردٸ تولىعىمەن ورىنداۋى كەرەك. داعدارىسقا قارسى شارالاردى ٸسكە اسىرۋ, جاڭا جۇمىس ورىندارىن قۇرۋ, ەلەۋمەتتٸك جاعىنان از قامتىلعان ازاماتتارعا قولداۋ كٶرسەتۋ, ەڭبەك داۋلارىنىڭ الدىن الۋ باعىتىندا تيٸمدٸ جۇمىس جٷرگٸزۋ قاجەت. العا قويىلعان بارلىق تاپسىرمالار ۋاقىتىندا جەنە ساپالى ورىندالۋى تيٸس», — دەدٸ سمايىلوۆ.
ٷكٸمەت باسشىسى تامارا دٷيسەنوۆانىڭ ەڭبەك جەنە حالىقتى ەلەۋمەتتٸك قورعاۋ مينيسترلٸگٸندە 20 جىلدان استام ۋاقىت بويى باسشىلىق قىزمەتتەردە بولعانىن, ەلٸمٸزدە ەڭبەك قاتىناستارىن قالىپتاستىرىپ, ەلەۋمەتتٸك ساياساتتى نىعايتۋعا زور ٷلەسٸن قوسقانىن اتاپ ٶتتٸ.
«تامارا بوسىمبەكقىزى - ەڭ تەجٸريبەلٸ, ٸسكەرلٸك قابٸلەتٸ ٶتە جوعارى باسشىلاردىڭ بٸرٸ. جاڭا مينيستر مەملەكەت باسشىسىنىڭ سەنٸمٸن اقتاپ, مينيسترلٸكتٸڭ جۇمىسىنا جاڭا سەرپٸن بەرەدٸ دەپ ويلايمىز», — دەدٸ پرەمەر-مينيستر.
