Foto: Akorda.kz
Memleket basshysy Premer-Ministr Álihan Smaiylovty qabyldady, - dep habarlaidy Aqordanyń baspasóz qyzmeti.
Prezidentke Qazaqstannyń 2023 jylǵy damý qorytyndysy jáne áleýmettik-ekonomikalyq saladaǵy reformalardyń júzege asyrylýy jóninde baiandaldy.
Premer-Ministrdiń aitýynsha, el ekonomikasynyń ósimi 5,1 paiyzdy quraǵan. Negizgi kapitalǵa salynǵan investitsiia 13,7 paiyzǵa artyp, 39,5 milliard dollarǵa deiin jetti. Bul rette byltyrǵy 9 aida shetelden 19,7 milliard dollar kóleminde tikelei investitsiia tartylǵan. Shaǵyn jáne orta biznes salasynda jumyspen qamtylǵandardyń sany 14 paiyzǵa (500 myń adamǵa) artyp, 4,3 million adamǵa deiin kóbeidi. Úkimettiń Ulttyq bankpen jáne óńir ákimderimen birlese atqarǵan sharalarynyń nátijesinde infliatsiia deńgeii 2 ese, iaǵni 9,8 paiyzǵa deiin tómendedi.
Syrtqy taýar ainalymy 2,2 paiyzǵa ósip, 126 milliard dollardy qurady. Saýda balansynyń oń saldosy 16 milliard dollardan asty.
Memleket basshysyna Úkimet búkil áleýmettik mindettemelerdi ýaqytyly ári tolyq kólemde oryndap otyrǵany týraly málimet berildi. Ortaq zeinetaqy mólsheri byltyr 10,5 paiyzǵa, al jyl basynan beri taǵy da 9 paiyzǵa indeksatsiialandy. Múmkindigi shekteýli azamattarǵa jáne asyraýshysynan aiyrylǵan adamdarǵa tólenetin járdemaqy 23 paiyzǵa ulǵaidy. Jalpy, elimizdiń 4,5 million azamaty áleýmettik qoldaý sharalarymen qamtylǵan. Ol úshin biýdjetten 4,6 trillion teńge bólingen.
Búginde Investitsiialyq jobalardyń biryńǵai pýlyn júzege asyrý jumystary jalǵasýda. Ótken jyldyń qorytyndysy boiynsha quny 1,8 trillion teńge bolatyn 298 joba iske qosyldy. Biyl somasy 3,8 trillion teńgeni quraityn taǵy 326 jobany, sonyń ishinde óńdeý ónerkásibi salasynda quny 1,2 trillion teńge bolatyn 180 jobany iske asyrý josparlanyp otyr. Osy rette 15 myń jańa jumys orny ashylmaq.
Premer-Ministr kásipkerlikti damytý jáne investitsiialyq ahýaldy jaqsartý sharalary, energetika jáne qurylys salalarynda reforma júrgizý, sondai-aq agroónerkásip keshenine jańa ádisterdi engizý jumystary týraly aitty.
Budan bólek, Prezidentke turǵyn úi-kommýnaldyq infraqurylymdy jańǵyrtý, halyqqa qyzmet kórsetý sapasy men onyń senimdiligin arttyrý sharalary jóninde málimet berildi. Sondai-aq Qasym-Jomart Toqaevqa «Ulttyq qor – balalarǵa» jobasynyń júzege asyrylý barysy, «Keleshek» biryńǵai jinaqtaý júiesiniń engizilýi, densaýlyq saqtaý jáne týrizm salalarynyń damýy jaiynda baiandaldy.
Kezdesý sońynda Qasym-Jomart Toqaev elimizdi áleýmettik-ekonomikalyq turǵydan odan ári damytý jóninde birqatar tapsyrma berdi.
