Qazaqstanda internet-alaiaqtyqtan zardap shekken azamattarǵa 5,9 mlrd teńge qaitaryldy. Sońǵy úsh jylda mundai qylmystardyń sany 40 paiyzǵa azaiyp, ashylý kórsetkishi 29,9 paiyzǵa ósken, dep habarlaidy ult.kz.
Úkimettiń baspasóz qyzmetiniń málimetinshe, kiberqylmysqa qarsy kúreste Ulttyq banktiń Antifrod-ortalyǵy mańyzdy ról atqardy. Onyń kómegimen 117 mlrd teńgeden astam qarajat buǵattalǵan.
Sondai-aq qylmystyq jolmen alynǵan aqshany aýdarýǵa nemese qolma-qol aqshaǵa ainaldyrýǵa kómektesetin dropperler úshin qylmystyq jaýapkershilik engizildi.
Jeke derekterdi qorǵaý konstitýtsiialyq deńgeide bekitilip, meditsinalyq, banktik jáne ózge de mańyzdy aqparattyq júielerge qol jetkizý kezinde mindetti biometriialyq sáikestendirý engizildi. Endi uiymdar azamattarǵa jeke derekteriniń taralyp ketkeni týraly habarlaýǵa mindetti. Al asa mańyzdy nysandardyń kiberqaýipsizdigin baqylaý Ulttyq qaýipsizdik komitetine júkteldi.
Azamattardyń tsifrlyq qaýipsizdigin kúsheitý úshin birneshe qural qoljetimdi. Olardyń qatarynda eGov Mobile qosymshasyndaǵy «Stopkredit» qyzmeti, derbes derekterge qol jetkizýdi baqylaý servisi, derekterdiń taralýy men fishingti anyqtaýǵa kómektesetin NomadGuard platformasy jáne eGov pen CitizenSec júielerindegi kibersaýattylyq kýrstary bar.
Mamandar azamattarǵa SMS-kodtar men parolderdi bógde adamdarǵa bermeýdi, kúmándi siltemelerdi ashpaýǵa jáne eki faktorly aýtentifikatsiiany qosýdy eskertedi.
