Demalys kúnderi Qazaqstanda «Iandeks» servisteriniń jumysynda aqaý bolyp, paidalanýshylar taksi shaqyrý men tamaqqa tapsyrys berýde qiyndyqtarǵa tap boldy. Osyǵan bailanysty Jasandy intellekt jáne tsifrlyq damý ministrligi túsinikteme berdi, dep habarlaidy ult.kz.
Vedomstvonyń málimetinshe, paidalanýshylardyń jeke derekterin saqtaityn serverler Qazaqstan aýmaǵynda ornalasqan jáne shtattyq rejimde jumys istep tur.
Alaida bul platformanyń barlyq komponenti el ishinde ornalasqan degendi bildirmeidi. Taksi shaqyrý men jetkizý qyzmetteriniń jumysyna qajetti keibir komponentter shetelde ornalasqan.
Ministrlik derekterdi el aýmaǵynda saqtaý men tsifrlyq servisterdiń úzdiksiz jumysyn qamtamasyz etý eki bólek mindet ekenin atap ótti.
Qazir «Iandeks» kompaniiasy servisterdiń jumysyn qalpyna keltirý sharalaryn júrgizip jatyr. Ministrlik kompaniiamen jáne Qazaqstannyń infraqurylymdyq uiymdarymen bailanys ornatqan.
Sonymen qatar suranys artqan jaǵdaida taksi shaqyrý jáne jetkizý qyzmetteriniń turaqty jumysyn qamtamasyz etý úshin balama platformalarmen de jumys júrgizilip jatyr.
Buǵan deiin «Iandeks Go» baspasóz qyzmeti servisterdiń ýaqytsha qoljetimsiz bolýy múmkin ekenin rastaǵan edi.
