فوتو: Akorda.kz
مەملەكەت باسشىسى پرەمەر-مينيستر ەليحان سمايىلوۆتى قابىلدادى, - دەپ حابارلايدى اقوردانىڭ باسپاسٶز قىزمەتٸ.
پرەزيدەنتكە قازاقستاننىڭ 2023 جىلعى دامۋ قورىتىندىسى جەنە ەلەۋمەتتٸك-ەكونوميكالىق سالاداعى رەفورمالاردىڭ جٷزەگە اسىرىلۋى جٶنٸندە باياندالدى.
پرەمەر-مينيستردٸڭ ايتۋىنشا, ەل ەكونوميكاسىنىڭ ٶسٸمٸ 5,1 پايىزدى قۇراعان. نەگٸزگٸ كاپيتالعا سالىنعان ينۆەستيتسييا 13,7 پايىزعا ارتىپ, 39,5 ميلليارد دوللارعا دەيٸن جەتتٸ. بۇل رەتتە بىلتىرعى 9 ايدا شەتەلدەن 19,7 ميلليارد دوللار كٶلەمٸندە تٸكەلەي ينۆەستيتسييا تارتىلعان. شاعىن جەنە ورتا بيزنەس سالاسىندا جۇمىسپەن قامتىلعانداردىڭ سانى 14 پايىزعا (500 مىڭ ادامعا) ارتىپ, 4,3 ميلليون ادامعا دەيٸن كٶبەيدٸ. ٷكٸمەتتٸڭ ۇلتتىق بانكپەن جەنە ٶڭٸر ەكٸمدەرٸمەن بٸرلەسە اتقارعان شارالارىنىڭ نەتيجەسٸندە ينفلياتسييا دەڭگەيٸ 2 ەسە, ياعني 9,8 پايىزعا دەيٸن تٶمەندەدٸ.
سىرتقى تاۋار اينالىمى 2,2 پايىزعا ٶسٸپ, 126 ميلليارد دوللاردى قۇرادى. ساۋدا بالانسىنىڭ وڭ سالدوسى 16 ميلليارد دوللاردان استى.
مەملەكەت باسشىسىنا ٷكٸمەت بٷكٸل ەلەۋمەتتٸك مٸندەتتەمەلەردٸ ۋاقىتىلى ەرٸ تولىق كٶلەمدە ورىنداپ وتىرعانى تۋرالى مەلٸمەت بەرٸلدٸ. ورتاق زەينەتاقى مٶلشەرٸ بىلتىر 10,5 پايىزعا, ال جىل باسىنان بەرٸ تاعى دا 9 پايىزعا يندەكساتسييالاندى. مٷمكٸندٸگٸ شەكتەۋلٸ ازاماتتارعا جەنە اسىراۋشىسىنان ايىرىلعان ادامدارعا تٶلەنەتٸن جەردەماقى 23 پايىزعا ۇلعايدى. جالپى, ەلٸمٸزدٸڭ 4,5 ميلليون ازاماتى ەلەۋمەتتٸك قولداۋ شارالارىمەن قامتىلعان. ول ٷشٸن بيۋدجەتتەن 4,6 تريلليون تەڭگە بٶلٸنگەن.
بٷگٸندە ينۆەستيتسييالىق جوبالاردىڭ بٸرىڭعاي پۋلىن جٷزەگە اسىرۋ جۇمىستارى جالعاسۋدا. ٶتكەن جىلدىڭ قورىتىندىسى بويىنشا قۇنى 1,8 تريلليون تەڭگە بولاتىن 298 جوبا ٸسكە قوسىلدى. بيىل سوماسى 3,8 تريلليون تەڭگەنٸ قۇرايتىن تاعى 326 جوبانى, سونىڭ ٸشٸندە ٶڭدەۋ ٶنەركەسٸبٸ سالاسىندا قۇنى 1,2 تريلليون تەڭگە بولاتىن 180 جوبانى ٸسكە اسىرۋ جوسپارلانىپ وتىر. وسى رەتتە 15 مىڭ جاڭا جۇمىس ورنى اشىلماق.
پرەمەر-مينيستر كەسٸپكەرلٸكتٸ دامىتۋ جەنە ينۆەستيتسييالىق احۋالدى جاقسارتۋ شارالارى, ەنەرگەتيكا جەنە قۇرىلىس سالالارىندا رەفورما جٷرگٸزۋ, سونداي-اق اگروٶنەركەسٸپ كەشەنٸنە جاڭا ەدٸستەردٸ ەنگٸزۋ جۇمىستارى تۋرالى ايتتى.
بۇدان بٶلەك, پرەزيدەنتكە تۇرعىن ٷي-كوممۋنالدىق ينفراقۇرىلىمدى جاڭعىرتۋ, حالىققا قىزمەت كٶرسەتۋ ساپاسى مەن ونىڭ سەنٸمدٸلٸگٸن ارتتىرۋ شارالارى جٶنٸندە مەلٸمەت بەرٸلدٸ. سونداي-اق قاسىم-جومارت توقاەۆقا «ۇلتتىق قور – بالالارعا» جوباسىنىڭ جٷزەگە اسىرىلۋ بارىسى, «كەلەشەك» بٸرىڭعاي جيناقتاۋ جٷيەسٸنٸڭ ەنگٸزٸلۋٸ, دەنساۋلىق ساقتاۋ جەنە تۋريزم سالالارىنىڭ دامۋى جايىندا باياندالدى.
كەزدەسۋ سوڭىندا قاسىم-جومارت توقاەۆ ەلٸمٸزدٸ ەلەۋمەتتٸك-ەكونوميكالىق تۇرعىدان ودان ەرٸ دامىتۋ جٶنٸندە بٸرقاتار تاپسىرما بەردٸ.
