QR Premer-Ministri Álihan Smaiylov pen TMD Atqarýshy komitetiniń tóraǵasy – Atqarýshy hatshysy Sergei Lebedev Astanada ótken TMD úkimet basshylary keńesi otyrysynyń qorytyndysy boiynsha BAQ ókilderiniń aldynda sóz sóiledi, dep habarlaidy primeminister.kz saity.
Álihan Smaiylov otyrystyń pandemiiadan keiingi kezeńde alǵash ret júzbe-júz ótkenin jáne Qazaqstannyń TMD-ǵa tóraǵalyq etýiniń qorytyndy is-sharasy bolǵanyn atap ótti.
«Búgin yntymaqtastyqty odan ári damytý máseleleri boiynsha keleli áńgime órbidi. Memleketter Dostastyq sheńberindegi kópjaqty ózara is-qimyldy nyǵaitýǵa nietti ekenderin taǵy da rastady. Sondai-aq syrtqy ekonomikalyq yntymaqtastyq aiasynda ortaq maqsattarǵa qol jetkizý boiynsha birlesken qadamdar talqylandy», — dedi Álihan Smaiylov.
Onyń aitýynsha, TMD keńistiginde saýda-ekonomikalyq bailanystardy tereńdetý maqsatynda Qyzmetterdiń erkin saýdasy jáne investitsiialardy júzege asyrý týraly kelisimniń jobasyn aiaqtaý jóninde sheshim qabyldandy.
Budan basqa, Qoǵamdyq densaýlyq saqtaý salasynda sanitarlyq-epidemiologiialyq sipattaǵy tótenshe jaǵdailardyń aldyn alý jáne den qoiý jónindegi yntymaqtastyq týraly kelisimge qol qoiyldy, mikrobqa qarsy preparattarǵa tózimdilikti tejeý jónindegi birlesken is-qimyl jospary qabyldandy, sondai-aq gýmanitarlyq yntymaqtastyq salasyndaǵy 2023-2024 jyldarǵa arnalǵan basym is-sharalar jospary maquldandy.
«Ǵylymi-tehnikalyq, innovatsiialyq, tehnologiialyq salalarmen qatar himiia salasyn tsifrlyq transformatsiialaý jáne radionavigatsiia salasyndaǵy yntymaqtastyq boiynsha birneshe másele boldy. Úkimet basshylary osy salalarda ózara is-qimyldy damytý boiynsha birqatar tujyrymdamalyq jáne baǵdarlamalyq qujattardy qabyldady», — dep atap ótti Álihan Smaiylov.
Sondai-aq ol Keńestiń 2023 jyly Dostastyq organdary men jekelegen is-sharalardy qarjylandyrýǵa qatysty qarjylyq-biýdjettik máselelerdi qarap, sheshimder qabyldaǵanyn aitty.
«Qazaqstandyq tarap búgingi is-sharanyń qorytyndylaryna qanaǵattandy. Ol memleketterimiz ben halyqtarymyzdyń igiligi úshin yntymaqtastyqty nyǵaitý jolyndaǵy kezekti qadam bolatynyna senimdimiz», — dep túiindedi Premer-Ministr.
TMD úkimet basshylary keńesiniń kezekti otyrysyn 2023 jyly maýsymda Sochi qalasynda ótkizý týraly sheshim qabyldandy.
