Foto: primeminister.kz
Premer-Ministr Álihan Smaiylov Zańsyz iemdenilgen aktivterdi memleketke qaitarý jónindegi komissiianyń otyrysyn ótkizdi, - dep habarlaidy "Ult aqparat" primeminister.kz caityna silteme jasap.
Otyrys barysynda tekserý sharalary bastalatyn jańa tulǵalardy tiisti reestrge engizý máseleleri talqylandy.
Buǵan deiin reestrge engizilgen keibir tulǵalar boiynsha kinásin moiyndaý jáne zańsyz alynǵan múlikti óz erkimen qaitarý týraly protsessýaldyq kelisim jasaý josparlanýda.
Budan bólek, reestrdegi jekelegen sýbektilerdiń jáne olarǵa úlestes tulǵalardyń shyǵý tegi túsiniksiz múlkin memleket kirisine aýdarýdy májbúrleý týraly talaptar qoiylady.
Premer-Ministr Memleket basshysynyń zańsyz iemdenilgen aktivterdi memleketke qaitarý týraly sheshimi – «Ádiletti Qazaqstandy» qurý protsesiniń jalǵasy ekenin atap ótti. Sońǵy 2 jylda elge jalpy somasy 1 trln teńgege jýyq aktivter qaitaryldy.
Búginde aýqymdy jumys aiasynda 344 jyljymaly jáne jyljymaityn múlik obektisi, sonyń ishinde shetelde 131 obekt anyqtaldy. Jalpy quny 448 mlrd teńge qundy qaǵazdar boiynsha málimet alyndy. Somasy 220 trln teńge bolatyn bank operatsiialary, onyń ishinde 1,4 trln teńgeni quraityn kúmándi operatsiialar tekserilip jatyr.
«Bizdiń ortaq mindetimiz – zańsyz iemdenilgen aktivterdi qaitarýdy qamtamasyz etý jáne olardy qoǵam men memleket igiligi úshin paidalaný», — dedi Álihan Smaiylov.
Premer-Ministr talqylaý qorytyndysy boiynsha memlekettik organdarǵa tiisti tapsyrmalar berdi.
Komissiia jumysy jalǵasýda.
