Óńir ákimderi ústeme baǵa men shekti baǵany baqylaý jumysyn kúsheitýi tiis. Úkimet otyrysynda QR Premer-Ministri Álihan Smaiylov osyny tapsyrdy, dep habarlaidy QazAqparat.
«Búgin aitylǵan usynystardy jalpy qoldaimyn. Degenmen memlekettik organdar basshylarynyń nazaryn birqatar máselege aýdarǵym keledi. Birinshi, Básekelestikti qorǵaý agenttigi monopoliiaǵa qarsy is-shara qoldaný jáne deldaldyq shemalardy tekserý boiynsha jumysty kúsheitý kerek. Biz jaýapsyz satýshylar men alyp-satarlarǵa baǵany negizsiz ósirý esebinen paida tabýǵa jol bermeýimiz qajet», - dedi Álihan Smaiylov.
Onyń atap ótýinshe, ekinshiden, óńirlerdiń ákimderi ústeme baǵa men shekti baǵany baqylaý jumysyn kúsheitýi tiis.
«Úshinshiden, Qarjy ministrligi Saýda jáne integratsiia ministrligimen birlesip, naqty taýarlardy importtaý nemese óndirý kezinen bastap olardy satýǵa deiin mindetti túrde elektrondyq shot-faktýralardy jazyp berý boiynsha pilottyq jobany júrgizý máselesin pysyqtasyn. Bul alyp-satýdyń árbir deńgeiinde ústeme baǵaǵa monitoring júrgizýge múmkindik beredi. Málimetterdi berý úshin Saýda ministrligi men Memlekettik kirister komitetiniń aqparattyq júielerin integratsiialaý máselesin sheshý qajet», - dedi Premer-Ministr.
