QR premer-ministri Álihan Smaiylov Kaspii qubyr konsortsiýmynda jóndeý jumystary qashan aiaqtalatynyn aitty, - dep habarlaidy Tengrinews.kz.
"Qazan aiynda konsortsiýmdaǵy eki qondyrǵyny jóndeýdi aiaqtaý josparlanǵan bolatyn. Biraq aýa raiyna bailanysty bul jumystar toqtatyldy. Meniń oiymsha, aldaǵy eki-úsh kúnde teńizdegi №1 qondyrǵyny jóndeý jumystary aiaqtalady. Odan keiin birden ekinshi qondyrǵyny jóndeý bastalady. Ony jóndeý shamamen eki-úsh aptada aiaqtalady", - dedi Smaiylov.
Sonymen qatar, Úkimet basshysy Kaspii qubyr konsortsiýmyndaǵy apat elimizdiń munai eksportyna qalai áser etkenin aitty.
"Mysaly, bizde bir jyl ishinde munai sektorynan Ulttyq qorǵa 3,9 trillion teńge kóleminde túsim josparlanǵan bolatyn. 10 aidyń qorytyndysy boiynsha bul jospar 1 trillion teńgege asyra oryndalǵanyn kórip otyrmyz. Eksporttyq kedendik bajdan respýblikalyq biýdjetke túsetin túsimge keletin bolsaq, bizde jylyna 1,8 trillion teńge josparlanǵan, 10 aidyń qorytyndysy boiynsha 1,4 trillion teńge tústi. Aldaǵy eki aida qalǵan somalar da keledi. Sondyqtan qazirgi tańda álemdik munai naryqtarynda qalyptasyp jatqan maqsattar men koniýnktýranyń arqasynda bizde Ulttyq qorǵa da, respýblikalyq biýdjetke de munai - gaz sektorynan túsetin barlyq túsimder tolyq kólemde kútilip otyr", - dedi Premer-ministr.
