Búgin QR Úkimetiniń baspasóz ortalyǵynda QR Prezidentiniń borysh júktemesin azaitý týraly Jarlyǵyn iske asyrý boiynsha baspasóz konferentsiiasy ótti, – dep habarlaidy Ult aqparat.
Jiynǵa QR Premer-ministriniń birinshi orynbasary – Qarjy ministri Álihan Smaiylov, QR Premer-ministriniń orynbasary Gúlshara Ábdiqalyqova, QR Ulttyq banki tóraǵasynyń orynbasary Oleg Smoliakov, QR indýstriia jəne infraqurylymdyq damý ministri Roman Skliar, QR Bilim jáne ǵylym ministri Ashat Aimaǵambetov, QR Aýyl sharýashylyǵy birinshi vitse-ministri Aidarbek Saparov, «Atameken» QR UKP basqarma tóraǵasynyń orynbasary Oljas Ordabaev qatysyp, keshiriletin nesiege qatysty suraqtarǵa jaýap berdi.
Aldymen Qarjy ministri áleýmettik osal toptaǵy qazaqstandyqtardyń nesiesin ótep berýge memleket qansha qarajat jumsaidy degen saýalǵa jaýap berdi.
«Atalǵan sanattaǵy azamattardyń nesie boiynsha boryshyn óteý úshin 105 mlrd teńge qajet. Onyń 88 mlrd teńgesin respýblikalyq biýdjetten tartamyz. Biýdjetti pysyqtaý aiasynda aldaǵy aptada naqty somalar atalady. 17 mlrd teńgeni problemalyq nesieler qorynan arnaiy obligatsiialardy shyǵarý arqyly tartpaqpyz. Sonymen qatar, ósim men aiyppuldar boiynsha nesielik boryshtardyń 70 paiyzy qarjylyq mekemelerdiń esebinen júrgiziletinin eskerý kerek» dedi Álihan Smaiylov.
Onyń aitýynsha, Prezidenttiń atyna kepilsiz tutyný nesielerin tóleýge qatysty azamattardan kóptegen ótinishter túsedi.
Ministr búginde áleýmettik turmysy tómen azamattar, kóp balaly otbasylar, múgedek balalary bar otbasylar, jalǵyz asyraýshysynan aiyrylǵandar jáne ataýly áleýmettik kómek alatyndar, jetim balalar túrli sebeptermen qiyn jaǵdaiǵa tap bolyp, óz attaryna alǵan nesielik mindettemelerin oryndai almai otyrǵanyn alǵa tartty.
Ókimge úkimetke jáne Ulttyq bankke bir rettik aktsiia retinde kelesi sharalardy qabyldaý tapsyrylǵan: tikelei jáne ataýly qarjylai kómek retinde joǵaryda atalǵan sanattaǵy adamdarǵa memleket ekinshi deńgeidegi bankter men shaǵyn uiymdardan alynǵan jalpy mólsheri 300 myń teńgege deiin negizgi nesieni jáne oǵan eseptelgen syiyqyny óteidi. Odan bólek olardyń biylǵy 1 maýsymǵa deiingi qaryzdarynyń jalpy kólemi 3 mln teńgeden aspaýy tiis.
Osylai dep túsindirgen Qarjy ministri: «Bul degenimiz nesie alǵandardyń 55%, iaǵni 250 myń adam úshin bul negizgi nesie men syiaqyny qosa alǵanda jalpy qaryz kólemin tutastai tóleý degendi bildiredi. Qalǵan nesie alǵan azamattardyń qaryzdary 300 myń teńge mólsherinde óteledi» dep atap ótti.
Onyń aitýynsha, bul olardyń tóleý qabilettiligin qalpyna keltirýge jáne qaryz júktemesin tómendetýge aitarlyqtai septigin tigizedi.
Sondai-aq shara barysynda Úkimet basshysynyń orynbasary Gúlshara Ábdiqalyqova naqty qandai sanattaǵy azamattardyń qaryzy óteletinin taǵy eske saldy.
«Bul jaǵdaida biz naqty Jarlyqqa bailanysty jumys júrgizýimiz kerek. Sanattardy aitar bolsaq, eń birinshiden, kópbalaly otbasylar. Olar - tórt nemese odan da kóp balalary bar otbasylar. Osyndai otbasylardyń nesiesi bar ma - baza boiynsha qaralady. Ekinshiden, asyraýshysynan aiyrylǵan jaǵdaiǵa bailanysty tólem alatyn otbasylar. Iaǵni, qazir bizdiń memlekette 600 myńǵa jýyq asyraýshysynan aiyrylǵan otbasy bar. Baza boiynsha olardyń qansha nesiesi bary qaralady. Kelesi, múgedek balalary bar otbasylar, 18-den asqan, biraq bala kezinen múgedek balalary bar otbasylar jáne eń az qamtamasyz etilgen otbasylar, iaǵni ataýly áleýmettik kómek alatyndar. Osyndai otbasylardyń da nesiesi baza boiynsha qaralady», - dedi ol.
