Qazaqstan Premer-ministri Álihan Smaiylov infliatsiianyń kóterilý sebepterin atady, - dep habarlaidy Tengrinews.kz agenttigi.
Premer-ministr biyl qarashadaǵy jaǵdai boiynsha Qazaqstandaǵy infliatsiia kórsetkishi 19,6 paiyzǵa jetkenin aitty. Onyń aitýynsha, infliatsiiany arttyrýdyń negizgi faktorlary geosaiasi shielenistiń kúsheiýi, álemdegi baǵanyń rekord deńgeide ósýi, logistikalyq bailanystardyń buzylýy jáne kórshi elderge keibir taýarlar eksportyna ýaqytsha shekteýler engizý boldy.
"Qazirgi ýaqytta Úkimet infliatsiiany baqylaý jáne tómendetý jónindegi sharalar keshenin iske asyryp jatyr. Osy jumys sheńberinde ishki naryqtaǵy otandyq taýarlardyń úlesin ulǵaitý, ónimdi saqtaý jáne tasymaldaý tetikterin damytý, bólshek saýdany qoldaý jónindegi sharalar kózdelgen", - dedi Smaiylov Qasym-Jomart Toqaev qatysqan Úkimettiń keńeitilgen otyrysynda.
Sonymen qatar, Premer-ministr Qazaqstan ekonomikasynyń biyl 11 aidaǵy damýynyń negizgi kórsetkishterin jariialady.
"Qańtar-qarashada ekonomikanyń ósý qarqyny 2,7 paiyz boldy. Qańtar-qazanda syrtqy saýda ainalymy 34 paiyzǵa ósip, 111 milliard dollarǵa jetti. Eksport 45 paiyzǵa, onyń ishinde óńdelgen taýarlar 35 paiyzǵa ósti", - dedi Álihan Smaiylov.
