Sársenbi, 30 qarashada Premer-Ministr Álihan Smaiylov ArcelorMittal kompaniiasynyń TMD boiynsha vitse-prezidenti Vidjai Goialmen kezdesý ótkizdi, dep habarlaidy "Ult aqparat" primeminister.kz saityna silteme jasap.
Kezdesý barysynda Álihan Smaiylov kombinat jumysynyń turaqtylyǵyn, kenshilerdiń jumyspen qamtylýyn jáne eńbek qaýipsizdigin qamtamasyz etýdi talap etti. Úkimet basshysy óndiris kólemin tómendetýge, sondai-aq qazaqstandyq ónimdi ótkizý naryǵyn joǵaltýǵa bolmaitynyn atap ótti.
Óz kezeginde Vidjai Goial barlyq talaptardy oryndaýǵa daiyn ekenin málimdedi.
Kásiporynnyń odan ári jumysy boiynsha kelissózder jaqyn arada jalǵasatyn bolady.
