Premer-ministr Álihan Smaiylov Reseiden ketkennen keiin qandai iri kompaniialar men óndirýshiler Qazaqstanda jumys isteýdi josparlap otyrǵanyn aitty, - dep habarlaidy Tengrinews.kz agenttigi.
Premer-ministr Tengrinews.kz tilshisine bergen suhbatynda kompaniialardyń elimizge kóshýi týraly aitty.
"Búginde baiqalyp otyrǵan geosaiasi qarama-qaishylyq jalpy álemdik damýǵa keri yqpal etip jatyr. Energiia men azyq-túlik baǵasy kóterilip, logistika, saýda-kólik bailanystary úzilip jatyr. Osynyń bári barlyq elge keri áserin tigizip otyr. Qazir búkil álemde, Qazaqstanda da iri infliatsiialyq protsester júrip jatyr. Valiýta baǵamynda belgili bir qubylmalylyq bar, biraq valiýta baǵamyn da, baǵanyń ósýin de turaqtandyrý sharalaryn qabyldap jatyrmyz", - dedi Smaiylov.
"Qazir relokatsiia boiynsha jumys istep jatyrmyz. Atap aitqanda, reseilik naryqtan ketken 250-den asa kompaniia. Target-list jasap, olardyń bizdiń naryqqa jumysqa kelýine Qazaqstan múddeli ekeni týraly aqparat berdik. Qazirdiń ózinde 45 kompaniia Qazaqstanda jumys isteýge oń sheshim qabyldady. Qazir ár kompaniiamen jumys istep jatyrmyz", - dedi Úkimet basshysy suhbatynda.
Premer-ministrdiń aitýynsha, keibir kompaniialar Qazaqstanda jumys istei bastaǵan, qalǵandary jaqyn arada elimizge kóshedi.
"Bul Skoda, GE Healthcare, Philips jáne Almatyda óndirisin ashqan Honeywell jáne t.b." - deidi ol.
