SQO turǵyny terroristik uiymnyń simvolikasyn jariialaǵany úshin ákimshilik jaýapkershilikke tartyldy, - dep habarlaidy Polisia.kz.
SQO PD Ekstremizmge qarsy is-qimyl basqarmasynyń qyzmetkerleri qańtar aiynyń sońynda messendjerlerge monitoring júrgizý barysynda óz akkaýntyndaǵy negizgi fotosýreti retinde terroristik uiymnyń dini simvolikasyn ornalastyrǵan 52 jastaǵy jeli qoldanýshysyn anyqtady.
Bul materialdar dini saraptamaǵa jiberildi. Saraptama nátijesine sáikes, qala turǵyny jariialaǵan sýret terroristik uiymǵa qatysty bolyp tabylady jáne QR aýmaǵynda taratýǵa tyiym salynǵan. Atalǵan fakti boiynsha ákimshilik material jinalyp, protsessýaldyq sheshim qabyldaý úshin sotqa jiberildi.
"Soltústik Qazaqstan oblysy Petropavl qalasynyń ákimshilik quqyq buzýshylyqtar jónindegi mamandandyrylǵan sotynyń qaýlysymen ol QR Ákimshilik quqyq buzýshylyq týraly kodeksiniń 453-babynyń 2-bóligi boiynsha ákimshilik jaýapkershilikke tartyldy. Sot qaýlysy kúshine endi", - dep habarlady SQO PD Ekstremizmge qarsy is-qimyl basqarmasynyń bastyǵy Rýslan Jarasbaev.
Jyl basynan SQO-da áleýmettik jelilerde dini mazmundaǵy materialdardy taratýǵa qatysty ákimshilik quqyq buzýshylyq jasaýdyń 6 deregi tirkeldi.
