Soltústik Qazaqstan oblysy politsiia departamentiniń basshysy Marat Tólebaev turǵyndardy onlain qabyldap, ár ótinish boiynsha jan-jaqty tekserý júrgizýge tapsyrma berdi, dep habarlaidy "Ult aqparat".
SQO politsiia departamenti baspasóz qyzmetiniń málimetinshe, jyl basynan óńirdiń bas politseiiniń jeke qabyldaýynda 159 adam bolǵan.
Bul joly «Azamattarǵa arnalǵan qabyldaý bólmesi» alańynda 5 adam onlain formatta óz muqtajdyqtarymen bólise aldy.
Olar negizinen sotqa deiingi tergeý faktileri boiynsha júgindi.
«Kelip túsken ár ótinish boiynsha jan-jaqty tekserýler júrgizý qajet. «Halyq únine qulaq asatyn memleket» printsipi ár basshynyń basty ustanymyna ainalýy tiis. Bizdiń mindetimiz – azamattardyń zańdy múddelerin qorǵaýǵa baǵyttalǵan ádil tergeýdi qamtamasyz etý. Onlain-qabyldaýlar ótkizý tájiribesi indet bastalǵaly uiymdastyrylyp keledi. Bul shekteý sharalaryna qaramastan, ashyqtyq pen qoljetimdilikti qamtamasyz etip, halyqpen bailanysta bolýǵa múmkindik beredi», - deidi SQO politsiia departamentiniń basshysy Marat Tólebaev.
Óńirdiń bas politseiine habarlasqandardyń biri – Petropavldyń 47 jastaǵy turǵyny. Ol mashina satyp alýǵa kómektesemin degen Almaty oblysynyń turǵynyna 300 myń teńge aqsha aýdarǵan.
Alaida ýáde etilgen kómek kórsetilmegen. Endi bir jyldan beri aqshasyn qaitara almai júr. Sotqa deiingi tergeý merzimi toqtatylǵan.
Marat Tólebaev tergeýdiń tolyqtyǵyn qamtamasyz etip, qylmystyq isti qaita qaraýdy tapsyrdy. Ońtústik óńirdiń turǵyny anyqtalyp, jaýap alynady.
Barlyq qajetti jedel-tergeý is-sharalardyń nátijesinen keiin ǵana protsestik sheshim qabyldanatyn boldy.
Taǵy bir oblys turǵyny kórshisimen janjaldasyp qalǵan. Alaida osy máselege qatysty shyǵarylǵan sheshimmen kelispeidi.
Vedomstvo basshysynyń tapsyrmasy boiynsha oblystyq politsiia qyzmetkerleri Taiynsha aýdanyndaǵy aýyl sharýashylyq tehnikasyna qatysty kórshiler daýy boiynsha qosymsha tergeý amaldaryn júrgizýi qajet.
Sondai-aq, bul kúni aýmaqtyq politsiia bólinisteriniń basshylary da qashyqtan qabyldaý ótkizdi. Oǵan 50 adam óz ótinishterimen júgindi.
