سولتٷستٸك قازاقستان وبلىسى پوليتسييا دەپارتامەنتٸنٸڭ باسشىسى مارات تٶلەباەۆ تۇرعىنداردى ونلاين قابىلداپ, ەر ٶتٸنٸش بويىنشا جان-جاقتى تەكسەرۋ جٷرگٸزۋگە تاپسىرما بەردٸ, دەپ حابارلايدى "ۇلت اقپارات".
سقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنشە, جىل باسىنان ٶڭٸردٸڭ باس پوليتسەيٸنٸڭ جەكە قابىلداۋىندا 159 ادام بولعان.
بۇل جولى «ازاماتتارعا ارنالعان قابىلداۋ بٶلمەسٸ» الاڭىندا 5 ادام ونلاين فورماتتا ٶز مۇقتاجدىقتارىمەن بٶلٸسە الدى.
ولار نەگٸزٸنەن سوتقا دەيٸنگٸ تەرگەۋ فاكتٸلەرٸ بويىنشا جٷگٸندٸ.
«كەلٸپ تٷسكەن ەر ٶتٸنٸش بويىنشا جان-جاقتى تەكسەرۋلەر جٷرگٸزۋ قاجەت. «حالىق ٷنٸنە قۇلاق اساتىن مەملەكەت» پرينتسيپٸ ەر باسشىنىڭ باستى ۇستانىمىنا اينالۋى تيٸس. بٸزدٸڭ مٸندەتٸمٸز – ازاماتتاردىڭ زاڭدى مٷددەلەرٸن قورعاۋعا باعىتتالعان ەدٸل تەرگەۋدٸ قامتاماسىز ەتۋ. ونلاين-قابىلداۋلار ٶتكٸزۋ تەجٸريبەسٸ ٸندەت باستالعالى ۇيىمداستىرىلىپ كەلەدٸ. بۇل شەكتەۋ شارالارىنا قاراماستان, اشىقتىق پەن قولجەتٸمدٸلٸكتٸ قامتاماسىز ەتٸپ, حالىقپەن بايلانىستا بولۋعا مٷمكٸندٸك بەرەدٸ», - دەيدٸ سقو پوليتسييا دەپارتامەنتٸنٸڭ باسشىسى مارات تٶلەباەۆ.
ٶڭٸردٸڭ باس پوليتسەيٸنە حابارلاسقانداردىڭ بٸرٸ – پەتروپاۆلدىڭ 47 جاستاعى تۇرعىنى. ول ماشينا ساتىپ الۋعا كٶمەكتەسەمٸن دەگەن الماتى وبلىسىنىڭ تۇرعىنىنا 300 مىڭ تەڭگە اقشا اۋدارعان.
الايدا ۋەدە ەتٸلگەن كٶمەك كٶرسەتٸلمەگەن. ەندٸ بٸر جىلدان بەرٸ اقشاسىن قايتارا الماي جٷر. سوتقا دەيٸنگٸ تەرگەۋ مەرزٸمٸ توقتاتىلعان.
مارات تٶلەباەۆ تەرگەۋدٸڭ تولىقتىعىن قامتاماسىز ەتٸپ, قىلمىستىق ٸستٸ قايتا قاراۋدى تاپسىردى. وڭتٷستٸك ٶڭٸردٸڭ تۇرعىنى انىقتالىپ, جاۋاپ الىنادى.
بارلىق قاجەتتٸ جەدەل-تەرگەۋ ٸس-شارالاردىڭ نەتيجەسٸنەن كەيٸن عانا پروتسەستٸك شەشٸم قابىلداناتىن بولدى.
تاعى بٸر وبلىس تۇرعىنى كٶرشٸسٸمەن جانجالداسىپ قالعان. الايدا وسى مەسەلەگە قاتىستى شىعارىلعان شەشٸممەن كەلٸسپەيدٸ.
ۆەدومستۆو باسشىسىنىڭ تاپسىرماسى بويىنشا وبلىستىق پوليتسييا قىزمەتكەرلەرٸ تايىنشا اۋدانىنداعى اۋىل شارۋاشىلىق تەحنيكاسىنا قاتىستى كٶرشٸلەر داۋى بويىنشا قوسىمشا تەرگەۋ امالدارىن جٷرگٸزۋٸ قاجەت.
سونداي-اق, بۇل كٷنٸ اۋماقتىق پوليتسييا بٶلٸنٸستەرٸنٸڭ باسشىلارى دا قاشىقتان قابىلداۋ ٶتكٸزدٸ. وعان 50 ادام ٶز ٶتٸنٸشتەرٸمەن جٷگٸندٸ.
