Soltústik Qazaqstan oblysynda koronavirýsqa qarsy vaktsinany 115 myń adam alady, birinshi kezeńde 1200 doza meditsina qyzmetkerlerine berilmek, dep habarlaidy "Ult aqparat".
SQO-nyń bas memlekettik sanitar dárigeri Áset Jumataevtyń aitýynsha, Búginnen bastap meditsina qyzmetkerlerine - sonyń ishinde infektsiialyq aýrýhana men statsionarlarda jumys isteitinderge, jedel járdem jáne sanitarlyq-epidemiologiialyq baqylaý qyzmetkerlerine berile bastady. Sondai-aq birinshi kezeńde muǵalimder, politseiler, stýdentter jáne qant diabeti siiaqty sozylmaly aýrýlary barlarǵa ekpe jasalady. Al turǵyndar arasynda eń aldymen táýekel tobyndaǵylarǵa vaktsina qoiylady.
«Oblysta barlyǵy 378 ekpe egetin kabinet bar. Koronavirýsqa qarsy vaktsina 17 pýnktte egiledi, onyń 13-i aýdanda jáne 4-ýi qalada ornalasqan. Búgin túnde 1200 doza reseilik vaktsina jetkizildi. Jospar boiynsha 115 myń vaktsina egiledi. Qaraǵandy farmatsevtikalyq kompaniiasynan sáýir-maýsym aralyǵynda ai saiyn 600 doza jetkizilip otyrady.
Búginnen bastap Reseide óndirilgen Gam-KOVID-Vak - «Spýtnik V» vaktsinasyn qoldana otyryp, koronavirýstyq infektsiiaǵa qarsy vaktsinatsiia bastaldy. Ári qarai, 15 aqpannan bastap vaktsinatsiia protsesine Qaraǵandy farmatsevtikalyq kesheni negizinde óndirilgen Gam-KOVID-Vak vaktsinasy qosylady. Sáýir aiynda qazaqstandyq vaktsina jetkizile bastaidy», - deidi Áset Jumataev.
Statsionarlyq ekpe pýnktterinde táýligine 60 adamǵa, al jyljymaly beketterdi 40 adamǵa deiin vaktsina qoiylady. Ekpe alǵannan keiin adam 30 minýttai emdeý mekemesinde bolyp, dárigerge baqylanady. Al kelesi úsh táýlik boiy meditsinalyq qyzmetker oǵan telefon arqyly habarlasyp, jaǵdaiyn bilip turady. Bas sanitar dárigerdiń aitýynsha, kez-kelgen ekpeden reaktsiia bolyp, aýyrady. Orny qyzaryp, dene qyzýy kóterilýi múmkin. Budan qoryqpaý qajet.
«Vaktsinatsiia - juqpaly aýrýlardyń, onyń ishinde koronavirýstyń aldyn alýdyń tiimdi ádisi. Biz jappai immýndaýdyń arqasynda naýqastardyń deńgeiin tómendetip, nátijesinde áleýmettik-ekonomikalyq obektilerdiń qyzmetine qoiylǵan shekteýlerdi alyp tastap, kádimgi ómirge oralatynymyzǵa senimdimin.
Jalpy, 21 kún ótkennen keiin vaktsinanyń ekinshi komponenti egiledi. 1 doza - 0,5 ml. Ekpe alǵannan keiin de biz saqtyq sharalaryn umytpaýymyz kerek, iaǵni maska taǵamyz, ara qashyqtyqty saqtaimyz. Immýnitet qalyptasýy úshin belgili bir ýaqyt ótýi qajet. Halyqtyń 70 % vaktsina alǵanda ǵana emin-erkin júrýge bolady», - deidi SQO-nyń bas memlekettik sanitar dárigeri Áset Jumataev.
