Foto: Baq.kz
Soltústik Qazaqstan oblysynyń prokýrorlary shetel azamattaryna jeke sáikestendirý nómirlerin berý kezinde zań buzýshylyqtardy anyqtady, dep habarlaidy Ult.kz.
Tekserý barysynda «Azamattarǵa arnalǵan úkimet» memlekettik korporatsiiasynyń oblystyq filialy Qazaqstan aýmaǵynda bolmaǵan sheteldikterdiń atyna 720 JSN rásimdegeni belgili boldy. Bul áreketter «Sáikestendirý nómirleriniń ulttyq tizilimderi týraly» zań talaptaryna qaishy.
Prokýrorlyq qadaǵalaý aktisi negizinde kináli tulǵalar jaýapkershilikke tartylyp, zańsyz berilgen JSN-derdiń kúshi joiylyp jatyr.
Sonymen qatar, 3 shildede Petropavl qalasy men M.Jumabaev aýdandyq politsiia organdary QK 206-baby 2-bóligi («Aqparatty zańsyz joiý nemese ózgertý») boiynsha sotqa deiingi tergeýdi bastady.
Qazirgi tańda tergeý amaldary júrgizilýde. Onyń barysy oblys prokýratýrasynyń baqylaýynda.
