Soltústik Qazaqstan oblysynda búginge deiin juqpaly indettiń 49 deregi tirkelse, sonyń 24-i shet elden kelgenderden anyqtalǵan, dep habarlaidy "Ult aqparat".
SQO taýarlar men kórsetiletin qyzmetterdiń sapasy men qaýipsizdigin baqylaý departamenti baspasóz qyzmetiniń málimetinshe, COVID-19 juqtyrǵandardyń bireýi Mysyr elinen, ekeýi – Ulybritaniiadan jáne qalǵan 21-i Reseiden kelgen. Syrttan naýqastanyp kelgenderdiń negizgi bóligin stýdentter, kólikpen júk tasymaldaýshylar jáne vahtalyq ádispen jumys isteitinder quraidy.
Mamandardyń aitýynsha, syrqattanǵandardyń 78%-ynda juqpaly indettiń esh belgisi bolmaǵan. Qazirgi tańda SQO-da 24 myń adam COVID-19 tekserildi.
Koronavirýs infektsiiasyn juqtyrǵandardyń sany 7% artqan jaǵdaida Vedomstvoaralyq komissiianyń sheshimimen karantin rejimi qaita qatańdatylady.
SQO Densaýlyq saqtaý basqarmasy baspasóz qyzmetiniń málimetinshe, búginde infektsiialyq statsionarda 14 adam em alyp jatyr. Karantindik statsionarda – 100, provizorlyq statsionarda – 41 jáne úi karantininde 467 adam otyr.
