Soltústik Qazaqstan oblysynda Ulttyq biryńǵai testileýdiń birinshi kezeńine biylǵy 3405 mektep túleginiń 2062-si qatysyp, bilimin synady, dep habarlaidy "Ult aqparat".
Biyl UBT-nyń birinshi kezeńi SQO-da 20-29 qańtar aralyǵynda ótti. Mektep bitirýshiler úshin synaq 7 jerde - Soltústik Qazaqstan ýniversitetinde jáne 6 aýdanda uiymdastyryldy.
«Ýniversitette UBT tapsyrýǵa 1101 adam ótinish berse, 1051 adam testileýden ótti. Keibiri belgili sebeptermen kele almady, sonyń ishinde densaýlyǵyna bailanysty bolmaǵandar bar. 12 aýditoriia ázirledik, sonyń 11-inde ótti, bireýi rezervte turdy.
Barlyq sanitarlyq talaptar saqtaldy. Túlekterde tyiym salynǵan zattar: telefon, «shpargalkalar» bolǵan joq. Bir de bir eskertý berilmedi. Shtattyq rejimde tynysh ótti», - deidi Kozybayev University qabyldaý komissiiasynyń jaýapty hatshysy Gúlmira Ospanova.
Joǵary oqý orny ókiliniń aitýynsha, ýniversitette 5 aýdannyń oqýshylary UBT tapsyrǵan. Bir aýditoriiada balalar 10-15-ten otyrdy, áleýmettik ara qashyqtyq saqtaldy.
«Bul – UBT-nyń birinshi kezeńi. Ádette oǵan túlekter óz kúshterin synaý úshin, test suraqtarymen tanysý úshin, qalai ótetinin baǵamdaý maqsatynda qatysady. Sol sebepti de balalar arasynda abyrjý bolǵan joq. Eń joǵary 120 ball jáne eń tómengi 10 ball alǵandar boldy.
Kelesi kezeńi naýryz aiyna josparlanǵan. Ázirge naqty ýaqyty belgisiz. Biraq qazirdiń ózinde túlekterdiń testti elektrondy formatta, kompiýter aldynda tapsyratyndyǵy aitylyp jatyr», - deidi Gúlmira Ospanova.
Biyl SQO-da 3405 mektep túlegi bar. Olardyń 2062-si UBT-ǵa qatysty.
«Úshinshi jyl bul synaq tórt ret: qańtar, naýryz, maýsym, tamyzda uiymdastyrylyp keledi. Qajetti balldy jinaǵandarǵa sertifikat beriledi, onymen joǵary oqý ornyna kommertsiialyq bólimge túsýge múmkindik bar. Al grant alǵysy keletinder mindetti túrde maýsymdaǵy UBT-ǵa qatysýlary qajet.
Jalpy synaq tynysh ótti. Tek Ǵ.Músirepov aýdanynda UBT talabyn buzǵan bir bala testileýden shyǵaryldy. Ol ózimen birge uialy telefon kirgizgen», - deidi SQO bilim basqarmasynyń bas mamany Mariia Ismagametova.
