Soltústik Qazaqstan oblysynda Cheliabi-Novosibirsk tasjolynda áinegi synǵan, oq tigen kólik tabyldy, - dep habarlaidy Tengrinews.kz tilshisi.
Oqiǵa ornynan túsirilgen sýretter áleýmettik jelide tarady. Jeli qoldanýshylary jolda "toqsanynshy jyldar stilinde" tóbeles bolǵan shyǵar dep boljady.
"Cheliabi-Novosibirsk tasjolynyń 635 shaqyrymynda Chistoe aýylyna jaqyn jerde Hyundai Accent markaly kólik anyqtaldy. Memlekettik tirkeý nómiri joq. Zaqymdanǵan jerleri bar. Júrgizýshi jaqtaǵy esikke eki ret bytyraly myltyqpen oq atqan.
Biraq jaraqat alǵan adamdar joq. Tártip saqshylary kóliktiń iesin anyqtady. Ol oblystyq bilim sapasyn baqylaý departamentinde tirkelgen. Oǵan Petropavl qalasynyń 25 jastaǵy turǵyny jaýapty. Onyń aitýynsha, 17 jeltoqsan kúni túngi saǵat 22:00-de kólik buzylyp qalǵan. Ol memlekettik tirkeý nómirlerin alyp, kólikti jol jieginde qaldyryp ketken. Politseiler bul aqparatty tekserip jatyr", - delingen habarlamada.
Tártip saqshylary zardap shekkender joq ekenin aitty. Qazirgi kezde Qylmystyq kodekstiń 202-baby, 2-tarmaǵy (Bótenniń múlkin qasaqana joiý nemese búldirý) boiynsha sotqa deiingi tergeý sharalary bastaldy. Oq atqan adamdar izdestirilip jatyr.
