2026 jylǵy 5–9 qazan aralyǵynda Aqtaý qalasynda Yessenov University bazasynda VIII halyqaralyq stýdenttik «Caspian Games – 2026» oiyndary ótti. Aýqymdy sporttyq doda Qazaqstan men shetel memleketteriniń stýdent jastaryn bir alańǵa toǵystyrdy, dep habarlaidy ult.kz.
Halyqaralyq sporttyq is-shara Kaspii mańy elderiniń joǵary oqý oryndary arasyndaǵy yntymaqtastyqty nyǵaitýǵa, stýdenttik sportty damytýǵa, sondai-aq jastar arasyndaǵy mádeni jáne bilim berý bailanystaryn keńeitýge baǵyttaldy.
Jarysqa Qazaqstan, Ázerbaijan, Iran, Resei jáne Túrikmenstan ýniversitetteriniń stýdentteri qatysty.
«Caspian Games – 2026» oiyndarynyń basty maqsaty – jastar arasynda salaýatty ómir saltyn nasihattaý, buqaralyq jáne stýdenttik sportty damytý, túrli elderdiń jastary arasyndaǵy dostyq pen ózara túsinistikti nyǵaitý, sondai-aq sporttyq, mádeni jáne akademiialyq yqpaldastyqqa qolaily orta qalyptastyrý.
«Kaspii oiyndarynyń» tarihy 2000 jyldan bastaý alady. Osy ýaqyt ishinde Kaspii mańy elderiniń ýniversitetteri men ǵylymi-zertteý ortalyqtary qaýymdastyǵynyń qyzmeti aiasynda uiymdastyrylatyn stýdenttik sport oiyndary memleketter arasyndaǵy gýmanitarlyq bailanystardy nyǵaityp, yntymaqtastyqty damytýǵa baǵyttalǵan mańyzdy halyqaralyq dástúrge ainaldy.
Buǵan deiingi VII «Kaspii oiyndary» ýniversiadasy 2024 jyly Astrahan qalasynda ótti. Atalǵan doda Kaspii mańy memleketteriniń stýdentterin, oqytýshylaryn jáne akademiialyq qaýymdastyq ókilderin biriktirdi. Jarystar dostyq, ózara qurmet jáne joǵary sporttyq nátijelerge umtylý rýhynda uiymdastyryldy. Qatysýshylar sporttyń túrli túrlerinen baq synap qana qoimai, qabyldaýshy eldiń mádenietimen tanysyp, dostyq jáne kásibi bailanystar ornatty, birlesken bilim berý jáne ǵylymi bastamalardyń keleshegin talqylady.
Osy igi dástúrdi Aqtaý qalasynda ótken VIII halyqaralyq stýdenttik «Caspian Games – 2026» oiyndary jalǵastyrdy. Qalanyń sport alańdarynda bas qosqan jas sportshylar joǵary daiyndyqtaryn, komandalyq birlikterin, tabandylyqtary men jeńiske degen jigerlerin kórsetti.
Halyqaralyq stýdenttik oiyndar jastar yntymaqtastyǵyn damytýda erekshe mańyzǵa ie. Sporttyq básekeler qatysýshylarǵa óz qabiletterin tanytyp, sheberlikterin shyńdaýǵa múmkindik berip qana qoimai, mádenietaralyq dialogty damytýǵa, tájiribe almasýǵa, ádil básekelestik, ózara qurmet pen komandalyq birlik qaǵidattaryn nyǵaitýǵa yqpal etedi.
Bes kúnge sozylǵan sporttyq doda barysynda qatysýshylar sporttyń 10 túri boiynsha: basketbol, voleibol, fýtzal, jeńil atletika, júzý, boks, karate-do, sambo, shahmat jáne kibersporttan baq synady.
Aqtaý qalasynyń sport alańdarynda tartysty kezdesýler men qyzyqty básekeler ótip, qatysýshylar joǵary daiyndyqtaryn, sporttyq sheberlikterin, tabandylyqtary men jeńiske degen jigerlerin kórsetti.
VIII halyqaralyq stýdenttik «Caspian Games – 2026» oiyndarynyń qorytyndysy boiynsha jalpykomandalyq eseptegi júldeli oryndar tómendegidei bólindi:
I oryn – H.Dosmuhamedov atyndaǵy Atyraý ýniversiteti (Qazaqstan)
II oryn – Astrahan memlekettik tehnikalyq ýniversiteti (Resei)
III oryn – Daǵystan memlekettik ýniversiteti (Resei).
Jarys jeńimpazdary men júldegerleri joǵary sporttyq nátijeleri úshin laiyqty marapattarǵa ie boldy.
«Kaspii oiyndary – tek sport pen medaldar ǵana emes. Bul, eń aldymen, elderimizdiń jastary arasyndaǵy dostyq, ózara qurmet pen shynaiy qarym-qatynas», – dedi ýniversitet rektorynyń m.a. E.T.Nýrmaganbet.
Halyqaralyq stýdenttik oiyndardyń ótkizilýi Qazaqstannyń jastar bastamalaryn qoldaý, halyqaralyq bilim berý bailanystaryn keńeitý jáne sport salasyndaǵy yntymaqtastyqty damytý alańy retindegi rólin arttyrýǵa yqpal etedi.
Is-sharany uiymdastyrýda Yessenov University mańyzdy ról atqaryp, túrli elderden kelgen daryndy stýdent jastardyń basyn qosatyn orta qalyptastyrdy.
