2026 جىلعى 5–9 قازان ارالىعىندا اقتاۋ قالاسىندا Yessenov University بازاسىندا VIII حالىقارالىق ستۋدەنتتٸك «Caspian Games – 2026» ويىندارى ٶتتٸ. اۋقىمدى سپورتتىق دودا قازاقستان مەن شەتەل مەملەكەتتەرٸنٸڭ ستۋدەنت جاستارىن بٸر الاڭعا توعىستىردى, دەپ حابارلايدى ult.kz.
حالىقارالىق سپورتتىق ٸس-شارا كاسپيي ماڭى ەلدەرٸنٸڭ جوعارى وقۋ ورىندارى اراسىنداعى ىنتىماقتاستىقتى نىعايتۋعا, ستۋدەنتتٸك سپورتتى دامىتۋعا, سونداي-اق جاستار اراسىنداعى مەدەني جەنە بٸلٸم بەرۋ بايلانىستارىن كەڭەيتۋگە باعىتتالدى.
جارىسقا قازاقستان, ەزەربايجان, يران, رەسەي جەنە تٷرٸكمەنستان ۋنيۆەرسيتەتتەرٸنٸڭ ستۋدەنتتەرٸ قاتىستى.
«Caspian Games – 2026» ويىندارىنىڭ باستى ماقساتى – جاستار اراسىندا سالاۋاتتى ٶمٸر سالتىن ناسيحاتتاۋ, بۇقارالىق جەنە ستۋدەنتتٸك سپورتتى دامىتۋ, تٷرلٸ ەلدەردٸڭ جاستارى اراسىنداعى دوستىق پەن ٶزارا تٷسٸنٸستٸكتٸ نىعايتۋ, سونداي-اق سپورتتىق, مەدەني جەنە اكادەمييالىق ىقپالداستىققا قولايلى ورتا قالىپتاستىرۋ.
«كاسپيي ويىندارىنىڭ» تاريحى 2000 جىلدان باستاۋ الادى. وسى ۋاقىت ٸشٸندە كاسپيي ماڭى ەلدەرٸنٸڭ ۋنيۆەرسيتەتتەرٸ مەن عىلىمي-زەرتتەۋ ورتالىقتارى قاۋىمداستىعىنىڭ قىزمەتٸ اياسىندا ۇيىمداستىرىلاتىن ستۋدەنتتٸك سپورت ويىندارى مەملەكەتتەر اراسىنداعى گۋمانيتارلىق بايلانىستاردى نىعايتىپ, ىنتىماقتاستىقتى دامىتۋعا باعىتتالعان ماڭىزدى حالىقارالىق دەستٷرگە اينالدى.
بۇعان دەيٸنگٸ VII «كاسپيي ويىندارى» ۋنيۆەرسياداسى 2024 جىلى استراحان قالاسىندا ٶتتٸ. اتالعان دودا كاسپيي ماڭى مەملەكەتتەرٸنٸڭ ستۋدەنتتەرٸن, وقىتۋشىلارىن جەنە اكادەمييالىق قاۋىمداستىق ٶكٸلدەرٸن بٸرٸكتٸردٸ. جارىستار دوستىق, ٶزارا قۇرمەت جەنە جوعارى سپورتتىق نەتيجەلەرگە ۇمتىلۋ رۋحىندا ۇيىمداستىرىلدى. قاتىسۋشىلار سپورتتىڭ تٷرلٸ تٷرلەرٸنەن باق سىناپ قانا قويماي, قابىلداۋشى ەلدٸڭ مەدەنيەتٸمەن تانىسىپ, دوستىق جەنە كەسٸبي بايلانىستار ورناتتى, بٸرلەسكەن بٸلٸم بەرۋ جەنە عىلىمي باستامالاردىڭ كەلەشەگٸن تالقىلادى.
وسى يگٸ دەستٷردٸ اقتاۋ قالاسىندا ٶتكەن VIII حالىقارالىق ستۋدەنتتٸك «Caspian Games – 2026» ويىندارى جالعاستىردى. قالانىڭ سپورت الاڭدارىندا باس قوسقان جاس سپورتشىلار جوعارى دايىندىقتارىن, كوماندالىق بٸرلٸكتەرٸن, تاباندىلىقتارى مەن جەڭٸسكە دەگەن جٸگەرلەرٸن كٶرسەتتٸ.
حالىقارالىق ستۋدەنتتٸك ويىندار جاستار ىنتىماقتاستىعىن دامىتۋدا ەرەكشە ماڭىزعا يە. سپورتتىق بەسەكەلەر قاتىسۋشىلارعا ٶز قابٸلەتتەرٸن تانىتىپ, شەبەرلٸكتەرٸن شىڭداۋعا مٷمكٸندٸك بەرٸپ قانا قويماي, مەدەنيەتارالىق ديالوگتى دامىتۋعا, تەجٸريبە الماسۋعا, ەدٸل بەسەكەلەستٸك, ٶزارا قۇرمەت پەن كوماندالىق بٸرلٸك قاعيداتتارىن نىعايتۋعا ىقپال ەتەدٸ.
بەس كٷنگە سوزىلعان سپورتتىق دودا بارىسىندا قاتىسۋشىلار سپورتتىڭ 10 تٷرٸ بويىنشا: باسكەتبول, ۆولەيبول, فۋتزال, جەڭٸل اتلەتيكا, جٷزۋ, بوكس, كاراتە-دو, سامبو, شاحمات جەنە كيبەرسپورتتان باق سىنادى.
اقتاۋ قالاسىنىڭ سپورت الاڭدارىندا تارتىستى كەزدەسۋلەر مەن قىزىقتى بەسەكەلەر ٶتٸپ, قاتىسۋشىلار جوعارى دايىندىقتارىن, سپورتتىق شەبەرلٸكتەرٸن, تاباندىلىقتارى مەن جەڭٸسكە دەگەن جٸگەرلەرٸن كٶرسەتتٸ.
VIII حالىقارالىق ستۋدەنتتٸك «Caspian Games – 2026» ويىندارىنىڭ قورىتىندىسى بويىنشا جالپىكوماندالىق ەسەپتەگٸ جٷلدەلٸ ورىندار تٶمەندەگٸدەي بٶلٸندٸ:
I ورىن – ح.دوسمۇحامەدوۆ اتىنداعى اتىراۋ ۋنيۆەرسيتەتٸ (قازاقستان)
II ورىن – استراحان مەملەكەتتٸك تەحنيكالىق ۋنيۆەرسيتەتٸ (رەسەي)
III ورىن – داعىستان مەملەكەتتٸك ۋنيۆەرسيتەتٸ (رەسەي).
جارىس جەڭٸمپازدارى مەن جٷلدەگەرلەرٸ جوعارى سپورتتىق نەتيجەلەرٸ ٷشٸن لايىقتى ماراپاتتارعا يە بولدى.
«كاسپيي ويىندارى – تەك سپورت پەن مەدالدار عانا ەمەس. بۇل, ەڭ الدىمەن, ەلدەرٸمٸزدٸڭ جاستارى اراسىنداعى دوستىق, ٶزارا قۇرمەت پەن شىنايى قارىم-قاتىناس», – دەدٸ ۋنيۆەرسيتەت رەكتورىنىڭ م.ا. ە.ت.نۋرماگانبەت.
حالىقارالىق ستۋدەنتتٸك ويىنداردىڭ ٶتكٸزٸلۋٸ قازاقستاننىڭ جاستار باستامالارىن قولداۋ, حالىقارالىق بٸلٸم بەرۋ بايلانىستارىن كەڭەيتۋ جەنە سپورت سالاسىنداعى ىنتىماقتاستىقتى دامىتۋ الاڭى رەتٸندەگٸ رٶلٸن ارتتىرۋعا ىقپال ەتەدٸ.
ٸس-شارانى ۇيىمداستىرۋدا Yessenov University ماڭىزدى رٶل اتقارىپ, تٷرلٸ ەلدەردەن كەلگەن دارىندى ستۋدەنت جاستاردىڭ باسىن قوساتىن ورتا قالىپتاستىردى.
