سولتٷستٸك قازاقستان وبلىسىندا چەليابٸ-نوۆوسيبيرسك تاسجولىندا ەينەگٸ سىنعان, وق تيگەن كٶلٸك تابىلدى, - دەپ حابارلايدى Tengrinews.kz تٸلشٸسٸ.
وقيعا ورنىنان تٷسٸرٸلگەن سۋرەتتەر ەلەۋمەتتٸك جەلٸدە تارادى. جەلٸ قولدانۋشىلارى جولدا "توقسانىنشى جىلدار ستيلٸندە" تٶبەلەس بولعان شىعار دەپ بولجادى.
"چەليابٸ-نوۆوسيبيرسك تاسجولىنىڭ 635 شاقىرىمىندا چيستوە اۋىلىنا جاقىن جەردە Hyundai Accent ماركالى كٶلٸك انىقتالدى. مەملەكەتتٸك تٸركەۋ نٶمٸرٸ جوق. زاقىمدانعان جەرلەرٸ بار. جٷرگٸزۋشٸ جاقتاعى ەسٸككە ەكٸ رەت بىتىرالى مىلتىقپەن وق اتقان.
بٸراق جاراقات العان ادامدار جوق. تەرتٸپ ساقشىلارى كٶلٸكتٸڭ يەسٸن انىقتادى. ول وبلىستىق بٸلٸم ساپاسىن باقىلاۋ دەپارتامەنتٸندە تٸركەلگەن. وعان پەتروپاۆل قالاسىنىڭ 25 جاستاعى تۇرعىنى جاۋاپتى. ونىڭ ايتۋىنشا, 17 جەلتوقسان كٷنٸ تٷنگٸ ساعات 22:00-دە كٶلٸك بۇزىلىپ قالعان. ول مەملەكەتتٸك تٸركەۋ نٶمٸرلەرٸن الىپ, كٶلٸكتٸ جول جيەگٸندە قالدىرىپ كەتكەن. پوليتسەيلەر بۇل اقپاراتتى تەكسەرٸپ جاتىر", - دەلٸنگەن حابارلامادا.
تەرتٸپ ساقشىلارى زارداپ شەككەندەر جوق ەكەنٸن ايتتى. قازٸرگٸ كەزدە قىلمىستىق كودەكستٸڭ 202-بابى, 2-تارماعى (بٶتەننٸڭ مٷلكٸن قاساقانا جويۋ نەمەسە بٷلدiرۋ) بويىنشا سوتقا دەيٸنگٸ تەرگەۋ شارالارى باستالدى. وق اتقان ادامدار ٸزدەستٸرٸلٸپ جاتىر.
