Foto: ashyq derekkóz
Soltústik Qazaqstan oblysynyń Taiynsha kópsalaly aýdanaralyq aýrýhanasyn kúrdeli jóndeýdi aiaqtaýǵa Arnaýly memlekettik qordan 1,3 mlrd teńge bólindi, dep habarlaidy Ult.kz.
Qazirgi ýaqytta tehnikalyq bazany jáne injenerlik jelilerdi jańǵyrtý jumystary júrgizilýde. Onyń aiasynda zertteýlerdi tikelei aýdan ortalyǵynda júrgizý úshin MRT apparatyna jáne zamanaýi klinikalyq-diagnostikalyq zerthanaǵa arnalǵan mamandandyrylǵan úi-jailar ashý qarastyrylyp otyr.
Sonymen qatar halyqaralyq triaj júiesi boiynsha qabyldaý bólmesin uiymdastyrylmaq. Jobaǵa sáikes onda personaldyń jedel monitoring júrgizý úshin kedergisiz kirý múmkindigi bar reanimatsiialyq tósekter ornalastyrylatyn bolady. Bul meditsinalyq aralasýdyń jedeldigin jáne meditsinalyq qyzmetterdiń joǵary sapasyn qamtamasyz etedi.
Jalpy alǵanda, jobany júzege asyrý nátijesinde meditsinalyq mekeme shuǵyl jáne josparly kómek kórsetýdiń zamanaýi standarttaryna sáikes keltirilmek.
QR Qarjy ministrliginiń derekterine sáikes, Arnaýly memlekettik qordan 400-den astam áleýmettik jáne kommýnaldyq nysandarǵa, onyń ishinde 183 meditsinalyq mekemege qatysty jobalardy júzege asyrýǵa 482 mlrd teńge bólingen. Birqatar jobalar «Aýyldyq densaýlyq saqtaý salasyn jańǵyrtý» baǵdarlamasy aiasynda qamtylǵan. Máselen, alǵashqy meditsinalyq-sanitarlyq kómek nysandaryn, kópsalaly aýrýhanalardy, mamandandyrylǵan meditsinalyq ortalyqtardy, shuǵyl meditsinalyq kómek infraqurylymdaryn salý jáne jańartý jumystary júrgizilýde.
