Soltústik Qazaqstan oblysynda investitsiialyq jobalardy júzege asyrý nátijesinde jańadan 7 myń jumys orny ashylady, dep habarlaidy "Ult aqparat".
SQO ákimi baspasóz qyzmetiniń málimetinshe, ótken 11 aidyń ishinde óńirge tartylǵan investitsiia 20,4 %-ke artqan. Bul respýblikalyq ortasha kórsetkishten anaǵurlym joǵary.
Jalpy oblysqa 2019 jylmen salystyrǵanda 36,9 mlrd teńge artyq, iaǵni barlyǵy 226 mlrd teńge investitsiia kelgen.
Óńirde 900 mlrd teńgeniń 53 investitsiialyq jobasy iske qosylmaq. Nátijesinde jańadan 7 myń jumys orny qurylady degen jospar bar.
Biyl oblysta kirpish zaýyty, avtoklavty kirpish pen plitalardy shyǵaratyn kásiporyn ashylady. Qańtar aiynda fanera kombinaty jumysyn bastaidy.
Petropavldaǵy iri kásiporyn «Radýga» JShS qaǵaz óndirisin jolǵa qoimaq.
Buǵan deiin big-beg, termos vagondar óndirisi iske qosyldy. Qazir iri joba – Data-ortalyqtyń qurylysy júrip jatyr.
«2019 jyldyń sońynda oblysta «Qyzyljar» arnaiy ekonomikalyq aimaǵy quryldy. Bul bizdiń kásipkerler men investorlarǵa tiimdi. Olarǵa salyqtyq jáne kedendik jeńildikter jasalady. Bir jyldyń ishinde biz 3 jobany bastadyq, olar: elektrtehnikalyq qondyrǵy shyǵaratyn kásiporyn, kópsalaly oblystyq aýrýhana jáne aýylsharýashylyǵy tehnikasyn shyǵaratyn nemistiń «CLAAS» kompaniiasynyń zaýyty qurylystary», - deidi SQO ákimi Qumar Aqsaqalov.
SQO-da bolashaǵy zor investitsiialyq jobalardy iske qosý arqyly aldaǵy 5 jylda ónerkásiptik ónimdi 70-80 mlrd teńgege arttyryp otyrý kózdelgen.
