Soltústik Qazaqstan oblysynda sońǵy 4 jylda 670 myń ga aýylsharýashylyq jeri memleket menshigine qaitarylǵan. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Jerdi tiimdi paidalaný - biz úshin mańyzdy másele. Prezidenttiń «Durys jumys istemeitinderdiń jerin qaitaryp alý kerek» degen tapsyrmasy bar. Aimaqta sońǵy 4 jylda 670 myń ga jer memleket menshigine qaitaryldy. Buryn zań boiynsha qoldanylmaǵan jerler 5 jylda qaitaryp alynatyn, qazirgi zań boiynsha 2 jylda qaitaryp alynady», - deidi SQO ákimi Qumar Aqsaqalov.i
Onyń aitýynsha, bul zańdy áli de jetildire túsý kerek.
«Óńir - aýyl sharýashylyǵy ónimderin óndirý boiynsha kóshbasshylardyń biri. Sońǵy 3 jyl ishinde aýylsharýashylyǵy óniminiń jalpy kólemi 1,3 esege - 411 mlrd teńgeden 516 mlrl teńgege deiin ósti», - deidi ol.
Eske sala ketsek, buǵan deiin SQO-daǵy baspana máselesi týraly jazǵan bolatynbyz.
