سولتٷستٸك قازاقستان وبلىسىندا سوڭعى 4 جىلدا 670 مىڭ گا اۋىلشارۋاشىلىق جەرٸ مەملەكەت مەنشٸگٸنە قايتارىلعان. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگتە ايتىلدى, دەپ حابارلايدى قازاقپارات.
«جەردٸ تيٸمدٸ پايدالانۋ - بٸز ٷشٸن ماڭىزدى مەسەلە. پرەزيدەنتتٸڭ «دۇرىس جۇمىس ٸستەمەيتٸندەردٸڭ جەرٸن قايتارىپ الۋ كەرەك» دەگەن تاپسىرماسى بار. ايماقتا سوڭعى 4 جىلدا 670 مىڭ گا جەر مەملەكەت مەنشٸگٸنە قايتارىلدى. بۇرىن زاڭ بويىنشا قولدانىلماعان جەرلەر 5 جىلدا قايتارىپ الىناتىن, قازٸرگٸ زاڭ بويىنشا 2 جىلدا قايتارىپ الىنادى», - دەيدٸ سقو ەكٸمٸ قۇمار اقساقالوۆ.ي
ونىڭ ايتۋىنشا, بۇل زاڭدى ەلٸ دە جەتٸلدٸرە تٷسۋ كەرەك.
«ٶڭٸر - اۋىل شارۋاشىلىعى ٶنٸمدەرٸن ٶندٸرۋ بويىنشا كٶشباسشىلاردىڭ بٸرٸ. سوڭعى 3 جىل ٸشٸندە اۋىلشارۋاشىلىعى ٶنٸمٸنٸڭ جالپى كٶلەمٸ 1,3 ەسەگە - 411 ملرد تەڭگەدەن 516 ملرل تەڭگەگە دەيٸن ٶستٸ», - دەيدٸ ول.
ەسكە سالا كەتسەك, بۇعان دەيٸن سقو-داعى باسپانا مەسەلەسٸ تۋرالى جازعان بولاتىنبىز.
