QR Premer-Ministriniń birinshi orynbasary Roman Skliar Úkimet otyrysynan keiin BAQ ókilderiniń ýtilizatsiialyq alym týraly suraqtaryna jaýap berdi, dep habarlaidy QazAqparat.
«Halyqtyń aldynda ashyq jumys istep jatyrmyn. Eger qate jasasam, jaýap beremin. Biraq búginde biz ne ónerákásibi bar, ne ónerkásibi joq el bolamyz. Meniń sol úshin janym aýyrady. Erteń munaimen kún kóre almaimyz. Búkil álemde munai bar. Sondyqtan sizderdi osy máselege tereń qaraýǵa shaqyramyn. Barsha qabyldanǵan sheshimder úshin jaýapkershilikti óz moinyma alamyn», - dedi Roman Skliar.
