Energetika ministrligi elimizdiń 2035 jylǵa deiingi energetikalyq balansyn ázirleýdi aiaqtaýy tiis. Bul týraly búgin QR Premer-Ministriniń orynbasary Roman Skliar aitty, dep habarlaidy "Ult aqparat".
«Memleket basshysynyń eldiń energetikalyq qaýipsizdigin qamtamasyz etý úshin qajetti shart sanalatyn manevrlik qýattardy damytý jónindegi tapsyrmasyn oryndaý úshin manevrlik generatsiialardy salýǵa arnalǵan aýktsiondyq saýda júrgizý jónindegi barlyq tiisti is-sharalardy qabyldaý qajet»,- dedi Úkimet basshysynyń orynbasary QR Energetika ministrliginiń keńeitilgen alqa otyrysynda.
Sonymen qatar ol Memleket basshysynyń ulttyq elektr jelilerin kúsheitý jónindegi tapsyrmasy aiasynda elimizdiń ońtústik óńirlerinde elektr energiiasynyń apattyq ajyrap qalýlaryna jol bermeý úshin Energetika ministrligine «KEGOC» AQ-pen birlesip, energiia júiesiniń ońtústik aimaqtyq qoldanystaǵy elektr jelilerin kúsheitý men jańǵyrtý boiynsha ońtaily sheshimder ázirleý qajettigine nazar aýdartty.
«Memleket basshysynyń eldiń energetikalyq qaýipsizdigin arttyrý jónindegi tapsyrmasyn oryndaý maqsatynda ministrlik «KEGOC» AQ-pen birlesip, 2035 jylǵa deiingi Qazaqstan Respýblikasynyń energetikalyq balansyn ázirleýdi aiaqtaýy tiis», - dedi Roman Skliar.
