ەنەرگەتيكا مينيسترلٸگٸ ەلٸمٸزدٸڭ 2035 جىلعا دەيٸنگٸ ەنەرگەتيكالىق بالانسىن ەزٸرلەۋدٸ اياقتاۋى تيٸس. بۇل تۋرالى بٷگٸن قر پرەمەر-مينيسترٸنٸڭ ورىنباسارى رومان سكليار ايتتى, دەپ حابارلايدى "ۇلت اقپارات".
«مەملەكەت باسشىسىنىڭ ەلدٸڭ ەنەرگەتيكالىق قاۋٸپسٸزدٸگٸن قامتاماسىز ەتۋ ٷشٸن قاجەتتٸ شارت سانالاتىن مانەۆرلٸك قۋاتتاردى دامىتۋ جٶنٸندەگٸ تاپسىرماسىن ورىنداۋ ٷشٸن مانەۆرلٸك گەنەراتسييالاردى سالۋعا ارنالعان اۋكتسيوندىق ساۋدا جٷرگٸزۋ جٶنٸندەگٸ بارلىق تيٸستٸ ٸس-شارالاردى قابىلداۋ قاجەت»,- دەدٸ ٷكٸمەت باسشىسىنىڭ ورىنباسارى قر ەنەرگەتيكا مينيسترلٸگٸنٸڭ كەڭەيتٸلگەن القا وتىرىسىندا.
سونىمەن قاتار ول مەملەكەت باسشىسىنىڭ ۇلتتىق ەلەكتر جەلٸلەرٸن كٷشەيتۋ جٶنٸندەگٸ تاپسىرماسى اياسىندا ەلٸمٸزدٸڭ وڭتٷستٸك ٶڭٸرلەرٸندە ەلەكتر ەنەرگيياسىنىڭ اپاتتىق اجىراپ قالۋلارىنا جول بەرمەۋ ٷشٸن ەنەرگەتيكا مينيسترلٸگٸنە «KEGOC» اق-پەن بٸرلەسٸپ, ەنەرگييا جٷيەسٸنٸڭ وڭتٷستٸك ايماقتىق قولدانىستاعى ەلەكتر جەلٸلەرٸن كٷشەيتۋ مەن جاڭعىرتۋ بويىنشا وڭتايلى شەشٸمدەر ەزٸرلەۋ قاجەتتٸگٸنە نازار اۋدارتتى.
«مەملەكەت باسشىسىنىڭ ەلدٸڭ ەنەرگەتيكالىق قاۋٸپسٸزدٸگٸن ارتتىرۋ جٶنٸندەگٸ تاپسىرماسىن ورىنداۋ ماقساتىندا مينيسترلٸك «KEGOC» اق-پەن بٸرلەسٸپ, 2035 جىلعا دەيٸنگٸ قازاقستان رەسپۋبليكاسىنىڭ ەنەرگەتيكالىق بالانسىن ەزٸرلەۋدٸ اياقتاۋى تيٸس», - دەدٸ رومان سكليار.
