Sybailas jemqorlyqqa qarsy is-qimyl agenttigi «SQ-Farmatsiia» kompaniiasy qyzmetiniń «qaita júkteý» baǵdarlamasyn birlese júzege asyrýǵa atsalysýda, dep habarlaidy "Ult aqparat".
«SQ-Farmatsiia» JShS basqarma tóraǵasy Erhat Esqaliev Sybailas jemqorlyqqa qarsy qyzmettiń apparattyq keńesinde sybailas jemqorlyq qaýpin taldaý qorytyndylary boiynsha usynymdardy oryndaýdyń aralyq nátijeleri týraly baiandaǵan. Kompaniia COVID-19 pandemiia jaǵdaiynda meditsinalyq uiymdardy dári-dármekpen jáne meditsinalyq buiymdarmen qamtamasyz etý tiimdiligin arttyrý úshin «qaita júkteý» baǵdarlamasyn iske asyrýda.
«Atap aitqanda, Antikor taldaý aiasynda josparlaý júiesiniń jetilmegendigine, adami faktordyń satyp alý júiesine yqpalyna, uzaq merzimdi jetkizý sharttaryn iske asyrý kezindegi táýekelderge, logistika júiesindegi kemshilikterge, gýmanitarlyq kómek alý jáne bólý tetiginiń jetilmegendigine, ishki baqylaý tetigindegi olqylyqtarǵa, kadr saiasatyndaǵy táýekelderge jáne joǵary ákimshilik shyǵyndarǵa nazar aýdardy. Anyqtalǵan jemqorlyq táýekelderin joiý jónindegi is-sharalar jospary azamattyq qoǵamnyń 20-dan astam ókiliniń qatysýymen iske asyrylýda. Satyp alýdy jetildirý bóligindegi negizgi basymdyq olardyń elektrondyq formatqa tolyq kóshýine, sondai-aq tenderlik rásimderdi avtomattandyrýǵa baǵyttalǵan. Atap aitqanda, olardy ótkizý merzimin 45 kúnnen 25 kúnge deiin azaitý jáne áleýetti jetkizýshiler usynatyn tenderlik qujattamanyń sanyn 15-ten 2-ge deiin qysqartý josparlanýda», - dep habarlaidy Sybailas jemqorlyqqa qarsy qyzmetten.
Jeke baǵyt – kompaniianyń aqparattyq júielerin emdeý shemalary boiynsha Densaýlyq saqtaý ministrliginiń júielerimen biriktirý. Bul – josparlaý tártibin jáne óńirlerdi dári-dármektermen qamtamasyz etýdi arttyrady.
Azamattardyń syn-eskertpelerin eskere otyryp, orfandyq aýrýlar boiynsha (mysaly, mýkovistsidoz) dárilerdi satyp alý máselelerin sheshý joldary pysyqtalýda. Sondai-aq dári-dármekti satýda kontrafaktini boldyrmaý maqsatynda «Qazaqtelekom» AQ-men birlesip dári-dármekter men meditsinalyq buiymdardy tańbalaýdyń jáne baqylaýdyń pilottyq jobasyn iske asyrý boiynsha is-sharalar júrgizilip jatyr.
Aita keterligi pandemiianyń ekinshi tolqynyna daiyndyq aiasynda SQ-Farmatsiia 5,96 mlrd teńgege 37 dári-dármek túrin satyp alǵan. Statsionarlarǵa jalpy quny 18,1 mlrd teńge bolatyn 91 túrli dári-dármek jetkizildi. 10 mln maska, onyń ishinde 392 mln teńgege 500 myń balalar maskasy satyp alynǵan.
