"SK-Farmatsiia" JShS burynǵy basshysy Berik Sháriptiń isi jaqyna arada sotqa jiberiledi. Bul týraly sybailas jemqorlyqqa qarsy is-qimyl agenttiginiń tóraǵasy Alik Shpekbaev málimdedi, dep habarlaidy Sputnik Qazaqstan.
"Jaqyn arada is sotqa jiberiledi. Tergeý aiaqtaldy, is materialdarymen tanysý bastalyp ketti", - dedi Shpekbaev jýrnalisterge bergen suhbatynda.
Agenttik basshysy Sháriptiń aiyptalýshy retinde jaýapqa tartylyp otyrǵanyn habarlady.
"Iá, ispen tanysý bastaldy, advokattar birqatar máselesin jetkizdi. Eń bastysy, is aiaqtaldy. Jaqyn arada ispen tanysý aiaqtalady. Sol kezde ony sotqa joldaidy", - dep atap ótti Shpekbaev.
Onyń sózine qaraǵanda, "SK-Farmatsiianyń" eks-basshysyn qyzmet babyn teris paidalanǵany úshin aiyptaǵan. Qazirgi kezde qylmystyq is júktelgen mindetke salǵyrt qaraý babyna aýystyrylyp otyr.
Aita keteiik, 2020 jyly 10 shilde kúni ótken úkimettiń keńeitilgen otyrysynda prezident Qasym-Jomart Toqaev áleýmettik meditsinalyq saqtandyrý qory men "SK-Farmatsiia" JShS jumysyn synǵa alyp, basshylyǵyn jumystan bosatýdy tapsyrǵan. Qajet bolsa tergeý sharalaryn da júrgizýge nusqaý bergen. Ertesinde áleýmettik meditsinalyq saqtandyrý qorynyń basqarma tóraǵasy Aibatyr Jumaǵulov pen "SK-Farmatsiia" JShS basshysy Berik Shárip qyzmetinen alyndy.
Jumaǵulovtyń ornyna basqa adam taǵaiyndaldy. Al Berik Shárip tergeýge alyndy. 14 tamyzda sybailas jemqorlyqqa qarsy is-qimyl agenttigi onyń ustalǵanyn málimdedi. Ol tótenshe jaǵdai jariialanǵan kezeńde meditsinalyq buiymdardy satyp alý kezinde ókilettigin teris paidalanǵan.
