Sybailas jemqorlyqqa qarsy qyzmet tegin meditsinalyq kómektiń kepildendirilgen mólsheri aiasynda dári-dármekterdi satyp alýǵa bólingen biýdjettik qarajattyń jymqyrylýyna qatysty tergeý amaldaryn bastady. Kúdikke «SK-Farmatsiia» JShS basqarma tóraǵasy M.E.Kasatkin men ózge de adamdar iligip otyr, dep habarlaidy "Ult aqparat" Sybailas jemqorlyqqa qarsy is-qimyl ulttyq biýrosynyń baspasóz qyzmetine silteme jasap.
Tergeý boljamyna sáikes, Kasatkin «KazSibFarmatseia» JShS-nyń paidasy úshin tenderdik protsedýralar kezinde atalǵan kompaniialardyń básekelesteriniń ótinimderin zańsyz qaitaryp otyrǵan. Buǵan qosa «KazSibFarmatseia» JShS-nfn satylyp alynǵan dári-dármekter Densaýlyq saqtaý ministrligi belgilegen baǵadan 15 protsentke qymbatqa ótkizilgen.
Osyndai jolmen 2015-2017 jyldary «SK-Farmatsiia» men «KazSibFarmatseia» basshylyǵy 1,8 mlrd teńgeni jymqyrǵan.
Qazirgi ýaqytta Kasatkin men «KazSibFarmatseia» JShS-nyń basshysy A.O.Ahmetov qamaýǵa alynǵan. Sotqa deiingi tergeý amaldary júrgizilip jatyr.
