سىبايلاس جەمقورلىققا قارسى قىزمەت تەگٸن مەديتسينالىق كٶمەكتٸڭ كەپٸلدەندٸرٸلگەن مٶلشەرٸ اياسىندا دەرٸ-دەرمەكتەردٸ ساتىپ الۋعا بٶلٸنگەن بيۋدجەتتٸك قاراجاتتىڭ جىمقىرىلۋىنا قاتىستى تەرگەۋ امالدارىن باستادى. كٷدٸككە «سك-فارماتسييا» جشس باسقارما تٶراعاسى م.ە.كاساتكين مەن ٶزگە دە ادامدار ٸلٸگٸپ وتىر, دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل ۇلتتىق بيۋروسىنىڭ باسپاسٶز قىزمەتٸنە سٸلتەمە جاساپ.
تەرگەۋ بولجامىنا سەيكەس, كاساتكين «كازسيبفارماتسەيا» جشس-نىڭ پايداسى ٷشٸن تەندەردٸك پروتسەدۋرالار كەزٸندە اتالعان كومپانييالاردىڭ بەسەكەلەستەرٸنٸڭ ٶتٸنٸمدەرٸن زاڭسىز قايتارىپ وتىرعان. بۇعان قوسا «كازسيبفارماتسەيا» جشس-نfن ساتىلىپ الىنعان دەرٸ-دەرمەكتەر دەنساۋلىق ساقتاۋ مينيسترلٸگٸ بەلگٸلەگەن باعادان 15 پروتسەنتكە قىمباتقا ٶتكٸزٸلگەن.
وسىنداي جولمەن 2015-2017 جىلدارى «سك-فارماتسييا» مەن «كازسيبفارماتسەيا» باسشىلىعى 1,8 ملرد تەڭگەنٸ جىمقىرعان.
قازٸرگٸ ۋاقىتتا كاساتكين مەن «كازسيبفارماتسەيا» جشس-نىڭ باسشىسى ا.و.احمەتوۆ قاماۋعا الىنعان. سوتقا دەيٸنگٸ تەرگەۋ امالدارى جٷرگٸزٸلٸپ جاتىر.
