Qaraǵandy farmatsevtikalyq kesheni «SQ-Farmatsiia» habtaryna koronavirýsqa qarsy bir komponentti «Spýtnik Lait» preparatynyń 150 myń dozasyn jiberdi. Preparat Resei Federatsiiasynan jetkizildi jáne revaktsinatsiiaǵa arnalǵan, dep habarlaidy QazAqparat.
«Spýtnik Lait» Qaraǵandy farmatsevtikalyq kesheniniń -35 gradýs ustaityn tońazytqyshtarynan biryńǵai distribiýtordyń logistikalyq toraptaryna jóneltildi. Tasymaldaý arnaiy tońazytqyshtarda júzege asyryldy, onda sýyq tizbekti qatań saqtaý úshin jabdyq ornatylǵan. Preparat qoimalarǵa jetkizildi, ol elimizdiń barlyq aimaqtaryna taratylady.
«Bul partiia Qaraǵandy farmatsevtikalyq kesheni aktsionerleriniń sheshimimen koronavirýs infektsiiasynyń taralýyn boldyrmaý úshin bólingen gýmanitarlyq kómek bolyp tabylady», - delingen Qaraǵandy farmatsevtikalyq kesheni málimetinde.
