قاراعاندى فارماتسەۆتيكالىق كەشەنٸ «سق-فارماتسييا» حابتارىنا كوروناۆيرۋسقا قارسى بٸر كومپونەنتتٸ «سپۋتنيك لايت» پرەپاراتىنىڭ 150 مىڭ دوزاسىن جٸبەردٸ. پرەپارات رەسەي فەدەراتسيياسىنان جەتكٸزٸلدٸ جەنە رەۆاكتسيناتسيياعا ارنالعان, دەپ حابارلايدى قازاقپارات.
«سپۋتنيك لايت» قاراعاندى فارماتسەۆتيكالىق كەشەنٸنٸڭ -35 گرادۋس ۇستايتىن توڭازىتقىشتارىنان بٸرىڭعاي ديستريبيۋتوردىڭ لوگيستيكالىق توراپتارىنا جٶنەلتٸلدٸ. تاسىمالداۋ ارنايى توڭازىتقىشتاردا جٷزەگە اسىرىلدى, وندا سۋىق تٸزبەكتٸ قاتاڭ ساقتاۋ ٷشٸن جابدىق ورناتىلعان. پرەپارات قويمالارعا جەتكٸزٸلدٸ, ول ەلٸمٸزدٸڭ بارلىق ايماقتارىنا تاراتىلادى.
«بۇل پارتييا قاراعاندى فارماتسەۆتيكالىق كەشەنٸ اكتسيونەرلەرٸنٸڭ شەشٸمٸمەن كوروناۆيرۋس ينفەكتسيياسىنىڭ تارالۋىن بولدىرماۋ ٷشٸن بٶلٸنگەن گۋمانيتارلىق كٶمەك بولىپ تابىلادى», - دەلٸنگەن قاراعاندى فارماتسەۆتيكالىق كەشەنٸ مەلٸمەتٸندە.
