Qytai Halyq Respýblikasynyń Tóraǵasy Si Tszinpin Elbasy Nursultan Nazarbaevtyń atyna telegramma joldady. "Ult aqparat" bul týraly QR Tuńǵysh Prezidentiniń resmi saityna silteme jasap habarlaidy.
Si Tszinpin Nursultan Nazarbaevtyń koronavirýs juqtyrýyna bailanysty alańdaýshylyq bildirdi.
«Koronavirýs infektsiiasy órshi bastaǵan sátten Qytai men Qazaqstan epidemiiaǵa qarsy jemisti yntymaqtastyq júrgizip keledi. Bul Qytai-Qazaqstan qatynastarynyń máńgilik jan-jaqty strategiialyq seriktestiginiń joǵary deńgeii men erekshe sipatyn kórsetip otyr. Sondai-aq halyqaralyq qaýymdastyq úshin pandemiiaǵa qarsy birlesip áreket etýdiń jarqyn úlgisine ainaldy.
Epidemiiany jeńetinimizge kámil senimdimin. Al ekijaqty qatynas budan da nátijeli dami túsedi degen oidamyn.
Men Sizben qalyptasqan jaqyn dostyq qarym-qatynasty erekshe baǵalaimyn jáne shyn júrekten tezirek saýyǵyp ketýińizdi tileimin», – delingen jedelhatta.
Elbasy Nursultan Nazarbaevtyń COVID-19-ǵa tapsyrǵan synamasy oń nátije kórsetkeni buǵan deiin habarlanǵan bolatyn.
Búgin Elbasynyń baspasóz hatshysy Aidos Úkibai Tuńǵysh Prezidenttiń densaýlyǵyna qatysty alańdaýǵa negiz joq ekenin aitty.
