Ózińizge qyzmet kórsetiletin banktegi tehnikalyq irkilisterge bailanysty qarapaiym bank operatsiialaryn júrgize almasańyz, eń bastysy jaǵdaidy obektivti túrde baǵalap alyńyz. Osyǵan orai Fingramota halyqtyń qarjy saýatyn arttyrý jobasy birqatar keńes beredi.
Tehnikalyq irkilister - jeke kompaniia bolsyn, memlekettik organdar bolsyn nemese ekinshi deńgeidegi bank bolsyn ár uiymda bolatyn jaǵdai.
Mundaida sabyrlyq saqtap, birneshe qarapaiym qaǵidattardy basshylyqqa alǵanyńyz jón.
Sizdiń «qarjylyq qaýipsizdik jastyqshańyz» bolýy tiis
Ómirde shuǵyl aqsha qajet bolyp qalatyn túrli kózdelmegen jaǵdailar bolyp turady. Eger shuǵyl túrde aqsha alý kerek bolǵan kezde ózińizge qyzmet kórsetetin banktegi tehnikalyq irkilis sizdi renjitýi múmkin. Sondyqtan da banktiń jumysyndaǵy irkilisterdiń saldarynan bolatyn qarjylyq qiyndyqtardan ózińizdi ishinara saqtaý úshin «qarjylyq qaýipsizdik jastyqshasynyń» bolýyna kóńil aýdarǵan mańyzdy.
Túrli banktiń keminde 2 bank kartasynyń bolǵany durys, olardyń árqaisysyna qarajattyń qoryn saqtap qoiýǵa bolady. Osylaisha, siz qarjy uiymdarynyń birinde týyndaǵan tehnikalyq qiyndyqtardy sabyrlyqpen ótkize alasyz. Sonymen qatar, túski as ishý, jolaqysyn tóleý jáne azdaǵan azyq-túlik satyp alý úshin aqsha shuǵyl qajet bolyp qalatyn jaǵdai úshin qolma-qol aqsha túrindegi biraz somanyń bolǵany durys.
Ádette, banktegi tehnikalyq irkiliske bailanysty jaǵdai biraz saǵat, kóp bolǵanda bir kún ishinde sheshiledi. Sondyqtan «qarjy jastyqshasynyń» bolýy sizdi kóptegen problemalardan qutqarady.
Resmi aqparatqa ǵana senińiz
Árbir qarjy uiymynda barlyq jańalyq pen túsindirmeler jariialanatyn saity, áleýmettik jelilerde resmi betteri bar. Sonymen qatar, ádette kózdelmegen jaǵdailar týyndaǵan kezde banktiń baspasóz qyzmeti nemese basshylyǵy respýblikalyq BAQ-ta resmi málimdeme jasaidy. Osy aqparatqa senýge bolady. Al messendjerlerdegi taratylymdarǵa nemese jeke tulǵalardyń bankke qatysy joq málimdemelerine den qoiýdyń qajeti joq. Osyndai aqparattyń jalǵany ekeniniń yqtimaldyǵy kóp.
Qyraǵy bolyńyz, alaiaqtardan saqtanyńyz
Týyndaǵan tehnikalyq qiyndyqtardy qarjy alaiaqtary paidalanýy múmkin, olar sizge banktiń atynan qońyraý shalýy nemese jazýy jáne ózińizdiń jeke derekterińizdi kartochkanyń nómirlerin jáne úsh mándi sáikestendirý kodtaryn aitýdy suraýy múmkin. Qandai jaǵdaida bolmasyn olarǵa eshqandai aqparat bermeńiz jáne óz jaqyndaryńyzǵa, ásirese egde jastaǵylarǵa eskertińiz. Bank eshqashan jeke derekterdi talap etpeidi jáne birinshi bolyp sóilesýge bastama jasamaidy. Sizge qońyraý shalǵan nómirdi jazyp alyp, ony óz bankińizdiń qaýipsizdik qyzmetine habarlańyz.
Sondai-aq alaiaqtardan jalǵan aqparattar áleýmettik jeliler nemese messendjerler arqyly taratylýy múmkin. Bógde adamdardan kelip túsetin zańsyz nusqaýlardy qandai jaǵdaida bolmasyn oryndamańyz. Bank barlyq kedergilerdi derbes joiady jáne oǵan osyǵan qatysty klientterdiń kómegi qajet emes!
Kedergiler joiylǵannan keiin barlyq shottaryńyz ben derekterińizdi tekserińiz
Tehnikalyq jumystar aiaqtalǵannan keiin ózińizdiń shottaryńyzdyń jaǵdaiyn jáne atalǵan jeke derekterdi mindetti túrde tekserińiz. Eger problema nemese qate anyqtasańyz, bankke call-ortalyq nemese mobildik qosymsha arqyly júginińiz. Sizge mindetti túrde kómek kórsetedi jáne qaita týyndaǵan máselelerdi joiady.
